Zatrymany pa spravie zabojstva Andreja Parubija — 52-hadovy žychar Lvova
Palicyja kaža pra rasijski śled.
Zatrymanamu 52-hadovamu lvavianinu paviedamlena pra padazreńnie ŭ zabojstvie narodnaha deputata Ukrainy Andreja Parubija. Padazreńnie padpisaŭ kiraŭnik Lvoŭskaj abłasnoj prakuratury Mikoła Mieret.
Pavodle jaho słoŭ, «padazreńnie hruntujecca na abjektyŭnych dokazach, jakija śviedčać pra ździajśnieńnie zatrymanaj asobaj zabojstva narodnaha deputata». Jaho dziejańni kvalifikavanyja pavodle dvuch artykułaŭ Kryminalnaha kodeksa Ukrainy, a mienavita: č. 1 art. 115 (naŭmysnaje zabojstva) i č. 1 art. 263 (niezakonnaje abychodžańnie sa zbrojaj).
Ciapier z padazravanym praciahvajucca śledčyja dziejańni. Pravodziacca pieratrusy pa miescach jaho pražyvańnia i znachodžańnia.
Palicyja paćvierdziła, što napadnik maskiravaŭsia pad kurjera, a paśla złačynstva pierakanaŭsia, što achviara pamierła, piša «Ukrainskaja praŭda».
«Jon doŭhi čas rychtavaŭsia, sačyŭ, płanavaŭ i, narešcie, nacisnuŭ na kurok. Nam spatrebiłasia ŭsiaho 36 hadzin, kab vyjści na jahony śled i zatrymać», — raskazaŭ kiraŭnik Nacpalicyi Ivan Vihiŭski.
«30 žniŭnia ŭ Frankoŭskim rajonie Lvova jon zamaskiravaŭsia pad kurjera i adkryŭ ahoń pa palityku prosta siarod biełaha dnia. Vosiem strełaŭ. Chaładnakroŭnaja žorstkaść. Jon navat pierakanaŭsia, što achviara pamierła. A potym sprabavaŭ schavać ślady — pieraapranuŭsia, pazbaviŭsia zbroi, sprabavaŭ chavacca na Chmialniččynie», — raskazaŭ Ivan Vihiŭski.
Były śpikier Viarchoŭnaj Rady, dziejny narodny deputat ad palityčnaj siły «Jeŭrapiejskaja salidarnaść» Andrej Parubij byŭ zabity ŭ Lvovie 30 žniŭnia. Heta adbyłosia na vulicy Jafremava, u Andreja Parubija stralaŭ nieviadomy. Ad ahniastrelnych ranieńniaŭ palityk zahinuŭ na miescy.
Jak paviedamlałasia, strałok byŭ apranuty jak kurjer słužby dastaŭki. Pavodle najaŭnaj infarmacyi, jon vykarystaŭ elektrarovar. Napadnik padyšoŭ da Parubija i vosiem razoŭ streliŭ u jaho, paśla čaho źjechaŭ ź miesca złačynstva.
Ciapier čytajuć
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam23
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia79
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie33
Kamientary