Jak biełarusam zapaŭniać ankietu, nieabchodnuju dla pajezdki ŭ Łatviju ci tranzitam praź jaje

Ankietu treba padavać nie paźniej čym za 48 hadzin da ŭjezdu ŭ Łatviju. Jana abaviazkovaja i dla tych, chto jedzie ŭ samu Łatviju, i dla tych, chto budzie tam tranzitam. 

Sajt IEM, dzie nieabchodna zapaŭniać elektronnuju dekłaracyju, padtrymlivaje dźvie movy — łatyšskuju i anhlijskuju.

Krok pieršy: nieabchodna paznačyć krainu svajho hramadzianstva, a taksama adkazać, ci majecie vy vizu abo dazvoł na žycharstva, jakija vydała mienavita Łatvija. Tut ža treba adkazać, ci majecie vy niejkija śpiecyfičnyja abstaviny, a kankretna ci źjaŭlajeciesia supracoŭnikam dypłamatyčnaj ci konsulskaj słužby abo vaša koratkaterminovaja (u tym liku tranzitnaja) pajezdka źviazanaja z absłuhoŭvańniem pasolstva abo mižnarodnaj arhanizacyi.

Pavialičyć

Krok druhi: treba napisać adras svajoj elektronnaj pošty i potym atrymać spasyłku-paćviardžeńnie. Sistema aŭtamatyčna pravieryć, ci treba vam uvohule zapaŭniać hetuju dekłaracyju (ale kali vy biełarus biez łatvijskaj vizy ci DNŽ — treba).

Krok treci: pa spasyłcy ŭ pošcie vy pierachodzicie na sajt i adkazvajecie na standartnyja pytańni: imia, proźvišča (jak łacinicaj, tak i kirylicaj), hramadzianstva, data naradžeńnia, pašpartnyja danyja, numar telefonu.

Nastupny błok pytańniaŭ tyčycca taho, jakim čynam vy płanujecie trapić u Łatviju: praz aeraport, čyhunku, port, aŭtobusam abo na pryvatnym aŭtamabili.

Dalej treba paznačyć numar rejsa ci maršruta (zvyčajna jość u kvitku) i numar miesca. Tut možna pastavić ptušačku «nieviadoma».

Dalej nieabchodna paznačyć horad i krainu, adkul pačynajecca vaša vandroŭka ŭ Łatviju (to-bok, kali vyjazdžajecie ź Minska, to jaho i pišycie) i kudy prybyvajecie ŭ Łatviju (kali na ryžski aŭtobusny vakzał, upisvajecie Ryhu).

Potym abirajecie z prapanavanych varyjantaŭ metu svajho pryjezdu — naprykład, turyzm. Paznačajecie adras, pa jakim płanujecie žyć. Kali heta vandroŭka na adzin dzień, to adras možna nie paznačać.

Pavialičyć

U poli Travel itinerary, other information treba koratka apisać svoj maršrut i dadać padrabiaznaści, jakija nie ŭvajšli ŭ papiarednija pali. Naprykład, kali vy płanujecie naviedać niekalki haradoŭ Łatvii, paznačajecie ich usie.

Dalej buduć pytacca ab tym, jakim čynam vy płanujecie pakinuć terytoryju Łatvii. Znoŭ treba abrać pamiž samalotam, ciahnikom, karablom, aŭtobusam i pryvatnym aŭto.

Kali nie viedajecie numar rejsa i miesca, znoŭ stavicie ptušačku unknown/not applicable. Nieabchodna paznačyć miesca, adkul pačniecca vaš adjezd (naprykład, Ryha), i miesca, kudy vy ruchajeciesia (naprykład, viartajeciesia ŭ Minsk).

Nastupny błok pytańniaŭ — palityčny:

— Ci zajmali vy ci chto-niebudź z vašych svajakoŭ vybarnuju pasadu?

— Ci vy kali-niebudź udzielničali ŭ vybarach jak kandydat?

— Ci pracavali vy kali-niebudź dziaržaŭnym słužačym u orhanach dziaržaŭnaha kiravańnia abo miascovych orhanach ułady?

— Vy kali-niebudź słužyli va ŭzbrojenych siłach, raźviedcy abo słužbach biaśpieki, pamiežnym kantroli, mytni, unutranych spraŭ, justycyi abo zamiežnych spraŭ (u tym liku dypłamatyčnych)?

Treba kožny adkazać «tak» ci «nie».

Pavialičyć

Krok čaćviorty: vy pabačycie na ekranie ŭsie svaje adkazy. Praviercie, ci ŭsio paznačana dakładna, i paśla hetaha pastaŭcie ptušačku, što ŭsia infarmacyja padadziena karektna i praŭdziva.

Krok piaty: paśla taho, jak paćvierdzicie, što vy nie robat, ankieta palacić pa nieabchodnym adrasie.

Krok šosty: čakajcie adkaz. Jon pavinien pryjści ciaham 48 hadzin.

Važnyja niuansy: zapaŭniać ankietu bolš zručna z kampjutara, čym z telefona. U pamiežnych čatach možna pabačyć, što ludzi skardziacca, što sistema nie daje praciahvać zapaŭnieńnie ankiety (asabliva na druhim kroku). Kali vy nie možacie pierajści da nastupnych pytańniaŭ, prosta hartajcie staronku ŭniz — chutčej za ŭsio, vy nie pabačyli pytańniaŭ, jakija iduć nižej.

• 5
• 5
• 0
• 16
• 1
• 0
• 4
• 1