Na «Biełsat» viartajecca Ściapan Puciła. A ranišniaje šou budzie vieści Śviatłana Zielankoŭskaja
Telekanał «Biełsat» anansavaŭ, što z novych pieradač u ich źjavicca.
U vosieńskim siezonie na telekanale budzie čatyry novyja prahramy.
Novaja prahrama z Puciłam
Na «Biełsat» viartajecca Ściapan Puciła, viadomy pa prajekcie Nexta. Jon budzie vieści aŭtarskuju prahramu «PraBieł». Nexta na «Biełsacie», dzie budzie ź ironijaj raskazvać naviny.
Prahrama pra zdaroŭje ź Biełavieškinym
«Biez receptu z doktaram Biełavieškinym» — hetaja novaja prahrama budzie raźvienčvać mify pra zdaroŭje i davać karysnyja dy praktyčnyja parady, jak padtrymać siabie ŭ dobraj mientalnaj i fizičnaj formie. Vieści prahramu buduć kandydat miedyčnych navuk Andrej Biełavieškin i trenierka Nadzieja Damkoŭskaja.
«Tut i tam» z Alesiem Zaleŭskim i Źmitrom Mickievičam
U prahramie «Tut i tam» buduć abmiarkoŭvać biahučyja padziei. Što dumajuć, ad čaho pakutujuć i jak źbirajucca zmahacca z kankretnymi prablemami biełarusy, ukraincy, rasiejcy, palaki, litoŭcy? Jak nam parazumiecca adno z adnym? Jak pabudavać masty pamiž krainami? Pra heta buduć havaryć u prahramie «Tut i tam».
Pieradača z polskimi ekśpiertami pa-polsku
U aŭtarskaj prahramie «Eberhart i Kacevič na Uschodzie» polski palitołah Adam Eberhart i redaktar polskaj redakcyi «Biełsatu» Michał Kacevič abmiarkujuć samyja vostryja spravy, jakija datyčać dziaržavaŭ na ŭschod ad Polščy — najpierš Biełarusi, Ukrainy i Rasii.
Prahrama budzie vieścisia pa-polsku ź pierakładam na biełaruskuju movu.
Novyja viadoŭcy
U ranišnim šou «Ranica z «Biełsatam» źjavicca novaja para viadoŭcaŭ: Śviatłana Zielankoŭskaja i Aleh Citkoŭ. Jany dałučacca da raniejšych viadoŭcaŭ — Aliny Koŭšyk i Anatola Šyrviela, a taksama Kaciaryny Rajeckaj i Dzianisa Dudzinskaha.
Što jašče
Adbuducca źmieny ŭ prahramie «Vusy Skaryny». Jaje pierajmianujuć u «Vusy sarmata». A zamiest kocikaŭ prahramu razam z historykam Cimocham Akudovičam budzie vieści niechta inšy (pakul nie raskryvajecca).
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary