NATA sklikaje ekstrannaje pasiadžeńnie paśla ŭdaru bieśpiłotnika pa šmatpaviarchovym domie ŭ Rumynii
Rasijski bieśpiłotnik, jaki ŭpaŭ u Rumynii i paraniŭ dvuch čałaviek, pryciahnuŭ uvahu NATA.
«Pytańnie budzie razhledžana na sumiesnym pasiadžeńni», — paćvierdziŭ prezident Finlandyi Alaksandr Stub u X, adnak pakul nie staŭ udavacca ŭ padrabiaznaści.
Hienieralny sakratar NATA Mark Rute taksama rezka asudziŭ incydent. «Biezrazvažnyja dziejańni Rasii stvarajuć niebiaśpieku dla ŭsich nas», — napisaŭ jon u X, piša Bild.
Pasoł ZŠA pry NATA Mećju Uitakier asudziŭ uvarvańnie bieśpiłotnika na terytoryju Rumynii. «My staim na baku našaha sajuźnika pa NATA Rumynii, — napisaŭ jon u X. — ZŠA buduć abaraniać kožny santymietr terytoryi NATA».
U noč na piatnicu adzin z rasijskich bieśpiłotnikaŭ uvajšoŭ u pavietranuju prastoru Rumynii i ŭrezaŭsia ŭ dach šmatkvaternaha doma ŭ horadzie Hałac na poŭdni krainy. u vyniku čaho ŭźnik pažar. Pavodle danych ekstrannych słužbaŭ Rumynii, u vyniku incydentu paciarpieli dva čałavieki, im akazali dapamohu na miescy.
Što viadoma pra viciebčuka, jakoha vinavaciać u sprobie padryvu samalota ŭ Hiermanii12
Kamientary