«Bajsoł» adkryŭ terminovy zbor na dapamohu ŭkraincam, vyzvalenym ź biełaruskich turmaŭ u listapadzie
U listapadzie vyzvalili hrupu hramadzian Ukrainy, jakija znachodzilisia ŭ źniavoleńni ŭ Biełarusi pa palityčnych artykułach. Ich vyvieźli z krainy i pieradali ŭkrainskamu boku.
Samamu małodšamu z vyzvalenych usiaho 18 hadoŭ. Samamu starejšamu — za 50. Mnohija vyjšli z padarvanym zdaroŭjem i biez razumieńnia, jak pačynać žyćcio nanova, nahadvaje «Bajsoł»
Maryju Misiuk abvinavacili pavodle artykuła ab «teraryźmie». Joj było ŭsiaho 16 hadoŭ, kali jaje sudzili. Pa telebačańni raskazvali, što dziaŭčynu «zavierbavali ŭkrainskija śpiecsłužby», i byccam pad ich upłyvam Maryja stvaryła padletkavuju bandu — «anarchičnuju jačejku». Adnak pravaabaroncam nie byli viadomyja ni jaje prysud, ni miesca ŭtrymańnia.
A paśla vyzvaleńnia videa z Maryjaj apublikavaŭ tahačasny kiraŭnik HUR Minabarony Ukrainy Kirył Budanaŭ. Dziaŭčyna raskazała, što nie viedała, kudy jaje viazuć. Dumała, što na rasstreł: «Dumała, mianie rasstrelvać viazuć».
Taksama siarod vyzvalenych byŭ Alaksandr Katovič. Režym abvinavaciŭ jaho ŭ nibyta datyčnaści da «ekstremisckaha farmavańnia» «Biełaruś za MKADam». Adnak, pavodle pravaabaroncaŭ, Alaksandr nie ŭdzielničaŭ u hetym prajekcie. Jon tolki pakidaŭ tam kamientary.
Siońnia hetyja ludzi na voli. Ale heta nie značyć, što ŭ ich usio ŭ minułym.
Chtości maje patrebu ŭ terminovym lačeńni — siarod vyzvalenych jość ludzi z ankałahičnymi zachvorvańniami. Kamuści nieabchodnaja reabilitacyja. Kamuści — padtrymka, kab prajści etap adaptacyi: žyllo, leki, dapamoha psichołaha.
Abviaščajecca zbor na €12.000, kab padtrymać tych vyzvalenych, kamu ciapier asabliva ciažka.
Zbor na terminovuju dapamohu ŭkraincam, vyzvalenym u listapadzie 2025 hoda ź biełaruskich turmaŭ: lačeńnie, adnaŭleńnie i padtrymka.
-
Viasielny kvest u emihracyi: biełarusy raskazali, jak brali šlub u zamiežžy
-
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
-
«My jašče nie skončyli. Nie stračvajcie nadziei!» Džon Koŭł adreahavaŭ na słovy Cichanoŭskaj pra 800 palitviaźniaŭ u Biełarusi
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali26
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłotu ŭ Kranštacie4141
Kamientary