U Minsku pradajuć lehiendarny Ford Mustang 1965 hoda. Kolki prosiać za retra-aŭto?
U hetaj madeli bahataja kinošnaja historyja.
U Minsku pradajuć Ford Mustang 1965 hoda. Jaho možna nazvać adnym ź pieršych, bo vypusk hetych mašyn pačaŭsia ŭ sakaviku 1964 hoda.
Pad kapotam u jaho bazavy dla hetaj madeli rodny 6-cylindravy ruchavik abjomam 2,8 litra, jaki pracuje ŭ pary z 3-stupienčataj miechaničnaj karobkaj pieradač.
Zajaŭleny prabieh — 31 500 kiłamietraŭ. Redkaje dla našych krajoŭ aŭto acanili ŭ 42 500 dalaraŭ ZŠA.
U Biełaruś mašyna trapiła tolki ŭ 2022 hodzie paśla taho, jak 20 śniežnia 2021 hoda retra-kupe nabyli na amierykanskim aŭkcyjonie Copart. Vyjhryšnaja staŭka — $6800.
Na momant prodažu ŭ Štatach zajaŭleny prabieh składaŭ 17 919 mil (28 838 km). Tamu prajechała jana za dva hady ŭsiaho niekalki tysiač kiłamietraŭ.
Pa fota ŭ abjavie bačna, što mašyna ŭdzielničała ŭ vystavach i retra-rali.
Ford Mustang pieršaha pakaleńnia ličycca kaštoŭnym aŭto ŭ kalekcyjanieraŭ. Asabliva kali havorka idzie pra «zaradžanyja» viersii z topavymi ruchavikami.
Lehiendarnaści pieršamu «Mustanhu» dadaje i bahataja kinošnaja historyja. Naprykład, taki Ford Mustang možna było ŭbačyć u filmie «Trajny farsaž: Takijski dryft». Mienavita na mašynie pieršaha pakaleńnia hałoŭny hieroj stužki dryfciŭ u finalnym zajeździe.
Ford Mustang pieršaha pakaleńnia vypuskali z 1964 pa 1973 hod.
Kamientary