Lidar paŭstancaŭ zajaviŭ, što Siryja nie ŭjaŭlaje pahrozy dla śvietu, i paprasiŭ źniać z krainy sankcyi
Faktyčny lidar Siryi Achmied al-Šaraa zajaviŭ, što kraina źniasilena vajnoj i nie ŭjaŭlaje pahrozy dla svaich susiedziaŭ ci Zachadu. U intervju Bi-bi-si ŭ Damasku jon zaklikaŭ źniać sankcyi ź Siryi.
Al-Šaraa ŭznačaliŭ vokamhnienny nastup, u vyniku jakoha mienš za dva tydni tamu byŭ skinuty režym Bašara Asada. Jon źjaŭlajecca lidaram hrupoŭki «Chajat Tachryr aš-Šam» (CHTŠ), jakaja daminuje ŭ paŭstanckim aljansie, i raniej byŭ viadomy pad svaim bajavym psieŭdanimam Abu Muchamied al-Džułani.
Jon skazaŭ, što CHTŠ treba vyklučyć sa śpisu terarystyčnych arhanizacyj. U hety śpis hrupoŭku ŭnieśli AAN, ZŠA, ES, Vialikabrytanija, Rasija i mnohija inšyja krainy — CHTŠ pačynała svaju dziejnaść, adkałoŭšysia ad «Al-Kaidy» (taksama pryznana terarystyčnaj i zabaroniena) u 2016 hodzie.
Achmied al-Šaraa skazaŭ, što «Chajat Tachryr aš-Šam» nie źjaŭlajecca terarystyčnaj hrupoŭkaj.
Jany nie napadali na mirnych žycharoŭ ci hramadzianskija rajony, skazaŭ jon. Nasamreč, jany ličać siabie achviarami złačynstvaŭ režymu Asada. A z achviarami, pavodle słoŭ lidara paŭstancaŭ, nielha abychodzicca hetak ža, jak z ahresarami.
Al-Šaraa abviarhaje padazreńni, što jon choča pieratvaryć Siryju ŭ padabienstva Afhanistana.
Jon skazaŭ, što hetyja krainy vielmi roznyja, z roznymi tradycyjami. Afhanistan — heta plemiannoje hramadstva. U Siryi, pavodle jaho słoŭ, inšy mientalitet. U pryvatnaści, al-Šaraa skazaŭ, što vieryć u nieabchodnaść adukacyi dla žančyn.
«U nas u Idlibie ŭniviersitety pracujuć bolš za vosiem hadoŭ. Ja dumaju, dola žančyn u hetych univiersitetach — bolš za 60%», — skazaŭ al-Šaraa.
Na pytańnie, ci budzie ŭ Siryi dazvoleny ałkahol, jon adkazaŭ: «Jość šmat rečaŭ, pra jakija ja prosta nie maju prava kazać, tamu što heta — jurydyčnyja pytańni».
Al-Šaraa dadaŭ, što ŭ Siryi budzie stvorany kamitet z pravaznaŭcaŭ, jaki składzie novuju kanstytucyju: «Vyrašać buduć jany. I luby kiraŭnik abo prezident pavinien budzie vykonvać zakon».
Na praciahu ŭsiaho intervju apranuty ŭ cyvilnaje adzieńnie lidar paŭstancaŭ vyhladaŭ rassłablenym i staraŭsia supakoić tych, chto ličyć, što jaho hrupoŭka nie parvała sa svaim ekstremisckim minułym.
Mnohija siryjcy jamu nie vierać.
Dziejańni novych kiraŭnikoŭ Siryi ŭ bližejšyja niekalki miesiacaŭ pakažuć, jakoj krainaj jany chočuć bačyć Siryju i jak chočuć joju kiravać.
Pad Damaskam znajšli masavaje pachavańnie achviar režymu Asada
Biełaruskaje pasolstva ŭ Siryi budzie pracavać ź Livana
Bašar Asad upieršyniu prakamientavaŭ svaju adstaŭku
«Kampiensacyja za parazu ŭ Siryi». Što staić za zajavaj Miadźviedzieva nakont «novych rehijonaŭ» Rasii
«Visić na vałasku». Padzieńnie režymu Asada stavić pad pahrozu rasijskija apieracyi ŭ Afrycy
Ciapier čytajuć
Miortvym znojdzieny ŭ Varšavie Źmicier Kaśpiarovič — 43-hadovy były palitviazień, zavierbavany KDB12
Kamientary