Atłuścieńnie stanie markieram biednaści? Mnohija sielebryci rezka chudziejuć na fonie papularnaści «Aziempika»
Kiłahramy hublajuć navat ikony bodzipazityvu. Ludzi adčuvajuć siabie padmanutymi.
Fatahrafii schudniełych bodzipazityŭnych zachodnich ikon Lizo i Barbi Fierejry spravakavali novuju chvalu abmierkavańniaŭ taho, jak na hramadstva ŭpłyvaje papularnaść preparata «Aziempik», piša vydańnie «Choład».
Psichołah, jakaja śpiecyjalizujecca na razładzie charčovych pavodzinaŭ, Ryna Ramzajeva razvažaje: jak tolki na rynku źjaŭlajecca preparat, zdolny prosta vyrašyć asnoŭnuju prablemu atłuścieńnia — źnizić apietyt miechanična, a nie praź psichałahičnuju prapracoŭku, — mnohija chapajucca za jaho, jak za apošniuju nadzieju.
«Ci staŭ «Aziempik» pahrozaj bodzipazityvu? Bodzipazityŭ pieršapačatkova paŭstaŭ jak ruch za pryniaćcie i destyhmatyzacyju paŭnaty, jaho łozunh: «Majo cieła — maja sprava». Paźniej jaho stali nadzialać bolš šyrokim značeńniem: jon staŭ uklučać padtrymku ludziej ź invalidnaściu abo niestandartnaj źniešnaściu. Zakanamierna ŭźnikaje pytańnie: što budzie z bodzipazityvam, kali ŭsie rezka pačnuć chudzieć, asabliva znakamitaści, mierkavańnie i prykład jakich majuć vialikaje značeńnie ŭ hramadstvie?» — piša psichołah.
Sielebryci, jakija papularyzavali luboŭ da siabie ŭ luboj vazie, sutyknulisia ź niekalkimi pretenzijami. Ich prychilniki rasčaroŭvajucca, a tyja, chto krytykavaŭ bodzipazityŭ, atrymali jašče adzin arhumient u padtrymku svajoj pazicyi. Ich ideja ŭ tym, što bodzipazityŭ — pieršapačatkova kryvadušny ruch, paśladoŭniki jakoha chłusiać ab pryniaćci svajho cieła. I toje, što mnohija pačali chudzieć, jak tolki heta stała praściej, śviedčyć pra adsutnaść realnaha pryniaćcia.
Daśledavańnie dackaj farmaceŭtyčnaj kampanii Novo Nordisk, vytvorcy Wegovy (u skład hetaha preparata dla pachudzieńnia ŭvachodzić siemahłutyd — toje ž rečyva, jakoje ŭ «Aziempiku»), pakazała, što praz hod paśla admieny preparata ⅔ stračanaj vahi viartajucca. Heta značyć dla ŭstojlivaha vyniku jaho treba prymać usio žyćcio. Na heta hatovyja pajści nie ŭsie, razvažaje Ramzajeva.
«Kamuści preparat zusim procipakazany, heta značyć daloka nie 100% ludziej zmohuć jaho vykarystoŭvać. Bolš za toje, siemahłutyd (dziejnaje rečyva ŭ składzie «Aziempika». — NN) i anałahi doraha kaštujuć, asabliva ciapier, kali na ich vielizarny popyt».
«My možam apynucca ŭ situacyi, dzie atłuścieńnie stanie markieram biednaści, tolki ŭzmacniŭšy rassłajeńnie ŭ hramadstvie»,
— ličyć psichołah.
Jość ryzyka, što źnižeńnie vahi stanie zdavacca čymści prostym, i poŭnym ludziam stanuć nadavać mienš uvahi ŭ miedycynskaj śfiery, prapanujučy vyrašyć usie astatnija prablemy sa zdaroŭjem z dapamohaj pachudzieńnia.
Razam z tym, ličyć psichołah, bodzipazityŭ nie źniknie.
«Jon užo zrabiŭ vialiki ŭkład u hramadstva, i mnohija ŭžo nie tak zacikaŭleny ŭ dasiahnieńni fihury mary, dy i ŭjaŭleńni ab idealnaj fihury źmianilisia. Da taho ž preparaty siemahłutydu nie dapamahajuć padciahnuć abvisłuju skuru, nie padciahvajuć myšcy i nie ratujuć ad staraści i druzłaści skury, heta značyć nie vyrašajuć usie prablemy, z-za jakich my da hetaha času adčuvajem siabie niedastatkova pryhožymi».
Da taho ž bodzipazityŭ — heta nie tolki pra paŭnatu, ale i pra dazvoł adstojvać svaje miežy, pra toje, kab rabić najlepšy vybar dla siabie, nie aryjentujučysia na mierkavańnie vypadkovych ludziej.
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA20
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary
Hetyja štučnyja srodki jašče pakažuć svoj sapraŭdny tvar, i jon nikomu nie padasca sympatyčnym, ale škadavać ab pryniatych rašeńniach budzie ŭžo zapozna.