«Sprava nie ŭ palitycy». Stała viadoma, čamu zakryłasia katalickaja sieminaryja ŭ Pinsku
Niadaŭna stała viadoma, što likvidavanaja miždyjazecijnaja vyšejšaja duchoŭnaja sieminaryja ŭ Pinsku. Adnosna pryčyn hetaha nazyvalisia i palityčnyja, palityk Vital Rymašeŭski navat prama abvinavaciŭ u hetym biełaruski režym. Ale na samaj spravie jakraz tut palityki nijakaj niama, tłumačyć «Chryścijanskaja vizija».
Nasamreč navučalnaja ŭstanova była likvidavanaja ŭ červieni hetaha hoda pa rašeńni biskupskaj kamisii ŭ składzie mitrapalita Juzafa (Stanieŭskaha) i biskupaŭ Pinskaha Antonija Dziamjanki i Viciebskaha Aleha Butkieviča. Na padstavie hetaha rašeńnia Upaŭnavažany pa spravach relihii, jak rehistracyjny orhan, likvidavaŭ sieminaryju. I sprava tut zusim nie ŭ tym, što jana nie mahła prajści pierarehistracyju ci što jašče.
Da 2018 hoda ŭ Biełarusi isnavali dźvie katalickija duchoŭnyja sieminaryi — u Pinsku i Hrodnie. Pinskaja była miždyjacezijnaj — u joj vučylisia kandydaty z usioj Biełarusi. Hrodzienskaja sieminaryja, u svaju čarhu, rychtavała kadry tolki dla svajoj dyjacezii.
U 2018 hodzie Kanfierencyja katalickich biskupaŭ Biełarusi, u suviazi sa źmianšeńniem kolkaści kandydataŭ na śviataroŭ, pryniała rašeńnie zrabić Hrodzienskuju sieminaryju miždyjacezijnaj. Faktyčna biskupy pahadzilisia abjadnać dźvie sieminaryi i vučyć kandydataŭ sa svaich dyjacezij u adnym miescy.
Užo tady štohadovaja kolkaść kandydataŭ na śviataroŭ z usioj Biełarusi vahałasia vakoł kolkaści kala 10-ci čałaviek.
Razam z hetym, pavodle kananičnaha prava, kožny biskup maje prava mieć duchoŭnuju sieminaryju ŭ svajoj dyjacezii. Tamu biskup Pinski, nie pahadžajučysia z rašeńniem KKBB, skarystaŭsia z hetaha prava i nie zakryŭ svaju sieminaryju z raźlikam, što ŭ joj buduć vučycca kandydaty ź Pinskaj dyjacezii. Adnak prablema ŭ tym, što hetych kandydataŭ prosta nie było.
Z 2018 hoda Pinskaja sieminaryja faktyčna pustavała. Z parafij dyjacezii źbiralisia standartnyja abaviazkovyja zbory na jaje ŭtrymańnie, adnak usim było viadoma, što srodki byli nieabchodnyja ŭ pieršuju čarhu na budynak, a nie na ŭstanovu. Vidavočna, što pierarehistracyja relihijnych abjadnańniaŭ prosta padšturchnuła Pinskuju dyjaceziju da vyrašeńnia jurydyčnaha statusu svajoj sieminaryi, a nie stała niepasrednaj pryčynaj jaje zakryćcia.
Sieminaryju ŭ Pinsku ŭ 2001 hodzie adkryvaŭ kardynał Kazimir Śviontak. Heta byŭ akt adnaŭleńnia histaryčnaj spraviadlivaści — Pinskaja sieminaryja isnavała ŭ 1925-1939 hadach. Sam pieršy biełaruski kardynał skončyŭ mienavita jaje litaralna pierad zakryćciom savieckimi ŭładami ŭ krasaviku 1939 hoda.
A voś u XXI stahodździ Pinskuju sieminaryju daviałosia zakryvać užo samim biskupam.
Likvidavana Pinskaja katalickaja duchoŭnaja sieminaryja
Pamior Piotr Fidermak — słavacki śviatar, jaki pryčyniŭsia da budaŭnictva nuncyjatury ŭ Minsku
U Biełarusi raspaŭsiudziać Viflejemski ahoń, ale dastaviać nie ź Viflejema
U kaplicy pad Smarhońniu paniščyli sarkafahi i raskidali čałaviečyja pareštki
Vałanciory rasčyścili pad Navahrudkam ruiny kaścioła ŭ jehipieckim styli FOTAFAKT
Ciapier čytajuć
Nad šerym kardynałam Nacbanka zhuścilisia chmary? Zatrymali jaho siabra, byłoha vykanaŭčaha dyrektara Banka raźvićcia2
Kamientary
Dyk voś, ja nie chaču kryvadušničać i stavić suhramadzianam u vinu što jany nie jduć u ksiandzy. Ja b chutčej pastaviŭ im heta ŭ zasłuhu. Viedajuć što nie zmohuć strymacca ad pažadlivaści i nie chočuć chłusić. Nu dyk heta akurat i dobra. I dla žyćcia i dla śviataści. Ja by na miescy Kaścioła nie išoŭ suprać pryrody i miascovaha duchu, a razhladaŭ by heta jak znak B-žaj voli.
Mabyć, biełaruskim katolikam treba značna bolš dyjakanaŭ, a taksama ksiandzoŭ birytualistaŭ (u 1000 razoŭ lepš za biseksuałaŭ). Kab mahli słužyć Śviatuju Imšu i ŭ łacinskim i ŭ hreckim abradach. Heta b darečy i stymulavała prytok ludziej u hreka katoliki. Nie chavacca ad žyćcia ŭ zastarełych dohmach, nie hvałtavać i pryhniatać jaho, a śmieła iści jamu nasustrač
Voś dzie patrabujecca sabornaść, sinadalnaść dla pryniaćcia važnych nietryvijalnych rašeńniaŭ. A tradycyju možna i treba kultyvavać u inšych aśpiektach, i taksama našmat bolš rašuča