Śviet

Uładalnik rasijskaha sudna, jakoje išło ŭ Siryju i zatanuła, zajaviŭ, što heta terakt

Suchahruz, mierkavana, nakiroŭvaŭsia ŭ siryjski port Tartus dla vyvazu rasijskaj vajskovaj techniki i ryštunku.

Fota: Abaronłahistyka

Apieratar «Abaronłahistyka», uładalnik rasijskaha suchahruza «Ursa Major, što zatanuŭ u Mižziemnym mory, zajaviŭ, što ŭ dačynieńni da sudna adbyłasia terarystyčnaja ataka. Z pravaha borta suchahruza adbylisia try vybuchi.

Raniej paviedamlałasia, što na borcie rasijskaha sudna «Ursa Major», jakoje prachodziła pa Mižziemnym mory pamiž Ispanijaj i Ałžyram, adbyŭsia vybuch, ciepłachod zatanuŭ. Dvoje členaŭ ekipaža prapali bieź viestak, astatnich 14 udałosia vyratavać.

Vydańnie Insider pisała, što suchahruz, chutčej za ŭsio, nakiroŭvaŭsia ŭ siryjski port Tartus dla vyvazu rasijskaj vajskovaj techniki i ryštunku.

Pavodle danych ispanskich ŚMI, tych členaŭ ekipaža, jakija vyžyli, dastavili ŭ ispanski horad Kartachiena. Vybuch adbyŭsia ŭ mašynnym adździaleńni karabla.

Aficyjnym punktam pryznačeńnia sudna značyŭsia Uładzivastok. Pry hetym, jak ličać ekśpierty, «Ursa Major» z tryma vialikimi desantnymi karablami i jašče adnym ciepłachodam pad nazvaj «Sparta» nakiroŭvalisia ŭ siryjski port Tartus. Meta misii — vyvieźci vajskoŭcaŭ, techniku i ryštunak i takim čynam kančatkova spynić pracu rasijskaj vajskovaj bazy.

Sudna vyjšła z Sankt-Pieciarburha 11 śniežnia. Pavodle danych ispanskich ŚMI, jamu piatnaccać hadoŭ, jano było pabudavana ŭ 2009 hodzie.

U Tartus siły siryjskaj apazicyi ŭvajšli 8 śniežnia, zachapiŭšy biez boju budynki dziaržaŭnych ustanoŭ. Na nastupny dzień pastupili paviedamleńni, što rasijskija vajskovyja karabli pakinuli punkt materyjalna-techničnaha zabieśpiačeńnia VMF RF u Tartusie. Heta ž paćvierdzili spadarožnikavyja zdymki.

Tady ž rasijskija ŚMI sa spasyłkaj na krynicy pisali, što lidary siryjskich paŭstanckich hrupovak harantavali biaśpieku rasijskich vajskovych baz i dypłamatyčnych pradstaŭnictvaŭ na terytoryi krainy. U toj ža čas pradstaŭniki novaj ułady vykazalisia suprać rasijskaj vajskovaj prysutnaści ŭ krainie.

Kamientary

Ciapier čytajuć

Zakančvajecca termin daŭniny pa narodnym pratesnym artykule. Bolš nikoha nie pasadziać? Nie, jość niuansy3

Zakančvajecca termin daŭniny pa narodnym pratesnym artykule. Bolš nikoha nie pasadziać? Nie, jość niuansy

Usie naviny →
Usie naviny

«Hanna adkazała: «Tak!» Vital Hurkoŭ zrabiŭ prapanovu ruki i serca. Chto ž niaviesta?35

U dvuch biełarusaŭ u Batumi kanfiskavali try kiłahramy kakainu i 13 tysiač tabletak ekstazi4

Dziaržava pradała dom 73-hadovaha palitźniavolenaha Vasila Dziemidoviča2

Pašynian paabiacaŭ uznačalić vyzvaleńnie Armianskaj carkvy ad «antychryścijanskaj, antynacyjanalnaj, antydziaržaŭnaj» hrupoŭki2

Kryk dušy dziaŭčyny, što skončyła miedinstytut i z žacham hladzić na bližejšyja piać hadoŭ103

Skarlet Jochansan stała samaj kasavaj aktrysaj u historyi1

Kolki kaštuje sabrać dzicia ŭ škołu sioleta1

Kolki možna zarabić na vysiakańni kustoŭ u Šviecyi? Małady biełarus padzialiŭsia dośviedam19

Pamior Mikoła Lucko

bolš čytanych navin
bolš łajkanych navin

Zakančvajecca termin daŭniny pa narodnym pratesnym artykule. Bolš nikoha nie pasadziać? Nie, jość niuansy3

Zakančvajecca termin daŭniny pa narodnym pratesnym artykule. Bolš nikoha nie pasadziać? Nie, jość niuansy

Hałoŭnaje
Usie naviny →

Zaŭvaha:

 

 

 

 

Zakryć Paviedamić