Śviet

Žonka Bašara Asada znachodzicca ŭ krytyčnym stanie z-za lejkozu. Lekary aceńvajuć jaje šancy jak 50/50

Ab hetym paviedamlajuć krynicy brytanskaha vydańnia The Telegraph, blizkija da siamji Asadaŭ, jakaja niadaŭna źbiehła ź Siryi ŭ Rasiju.

Asma Asad. Fota: Hassan Ammar / AP

49-hadovaja Asma Asad, žonka byłoha prezidenta Siryi Bašara Asada, była izalavanaja ad kantaktaŭ ź inšymi ludźmi z-za dyjahnastavanaha lejkozu. Pavodle brytanskaha vydańnia The Telegraph, lekary aceńvajuć jaje šancy jak 50/50.

«Asma znachodzicca ŭ krytyčnym stanie i nie moža kantaktavać ź inšymi» — paviedamiŭ adzin z surazmoŭcaŭ vydańnia, jaki padtrymlivaje suviaź ź siamjoj Asadaŭ.

Inšaja krynica ŭ Maskvie adznačyła: «Za apošnija tydni stan Asmy zastavaŭsia krytyčnym, a šancy na vyžyvańnie aceńvalisia jak 50/50».

Zhodna z The Telegraph, izalacyja Asmy Asad była nieabchodnaja, kab paźbiehnuć ryzyki zaražeńnia infiekcyjnymi zachvorvańniami. Niekatory čas u Maskvie Asmu dahladaŭ jaje baćka Favaz al-Achras, jaki, pavodle krynic, vielmi pieražyvaje za stan dački.

Kancylaryja Bašara Asada jašče ŭ mai 2024 hoda paviedamiła, što ŭ Asmy byŭ dyjahnastavany vostry mijełaidny lejkoz — ahresiŭnaja forma raku, jakaja paražaje kaściany mozh. Raniej jana prachodziła lačeńnie ad raku hrudziej, ale ŭ 2019 hodzie abviaściła pra poŭnaje vyzdaraŭleńnie.

Asma Asad naradziłasia i vyrasła ŭ Łondanie. U Vialikabrytanii jana pracavała inviestycyjnym bankiram u amierykanskim banku JP Morgan. Jana vyjšła zamuž za Bašara Asada ŭ 2000 hodzie, u hod, kali jon staŭ prezidentam Siryi. Asma praz pasiarednikaŭ kantralavała klučavyja siektary siryjskaj ekanomiki, uklučajučy telekamunikacyi, nieruchomaść, bankaŭskuju śfieru i handal.

Bašar Asad, jaki kiravaŭ Siryjaj na praciahu amal 25 hadoŭ, uciok razam ź siamjoj u Rasiju paśla taho, jak siryjskija paŭstancy 8 śniežnia ŭziali pad kantrol stalicu krainy Damask. Sam Asad paśla zajaviŭ, što jaho evakuacyi ŭ Rasiju papiaredničali «kałaps siryjskaj armii i paralič dziaržaŭnych instytutaŭ». Pavodle jaho śćviardžeńnia, ad armii i naroda toj nie admaŭlaŭsia.

Kamientary

Ciapier čytajuć

Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał5

Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał

Usie naviny →
Usie naviny

Zialenski sustreniecca z Trampam u paniadziełak4

Doktara z Hrodna asudzili za «raspalvańnie varožaści» i «finansavańnie ekstremizmu»2

Były daradca prezidenta ZŠA: Tramp na pieramovach nie prajhraŭ, ale Pucin vidavočna pieramoh2

Telefanavańnie Trampa Łukašenku: što heta było?23

Biełaruska zhaniała ŭ Paryž bieź vizy — nie znajšła tam ni kruasanaŭ, ni ślimakoŭ. U kramie «Fantazija» tolki čabureki6

Tramp adkłaŭ na dva-try tydni ŭzmacnieńnie sankcyj suprać Rasii paśla pieramovaŭ z Pucinym33

Dla Ukrainy zastajecca niapeŭnaść3

Maładuju pradprymalnicu sa Słonima asudzili za ŭdzieł u pratestach5

Piać hadoŭ tamu adbyłasia samaja maštabnaja demanstracyja ŭ historyi Biełarusi19

bolš čytanych navin
bolš łajkanych navin

Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał5

Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał

Hałoŭnaje
Usie naviny →

Zaŭvaha:

 

 

 

 

Zakryć Paviedamić