Urad Čada zajaviŭ, što ŭ sieradu viečaram siły biaśpieki praduchilili sprobu destabilizacyi krainy. Pablizu ofisa prezidenta ŭ stalicy Ndžamienie čulisia streły, a prylehłyja vulicy byli pierakryty vojskami, paviedamlaje «Radyjo Svaboda».
Pradstaŭnik urada Abderaman Kułamałach skazaŭ, što situacyja całkam pad kantrolem, nie ŭdajučysia ŭ padrabiaznaści taho, što adbyłosia. «Heta byŭ nievialiki incydent… usio spakojna», — skazaŭ jon pierad videakamierami.
Krynica ŭ słužbie biaśpieki apisała incydent jak sprobu terarystyčnaha akta. «Ludzi na troch aŭtamabilach atakavali vajskoŭcaŭ, raźmieščanych vakoł ofisa prezidenta, ale armija ich niejtralizavała», — paviedamiła krynica na ŭmovach ananimnaści.
Padziei sierady supali z aficyjnym vizitam u Ndžamienu ministra zamiežnych spraŭ Kitaja Van I. Niadaŭna jon padpisaŭ damovu ab supracoŭnictvie z Francyjaj u śfiery abarony. Čad šmat hadoŭ zastavaŭsia partnioram Francyi i sajuźnikam Zachadu ŭ baraćbie ź isłamskimi bajevikami ŭ niespakojnym rehijonie Sachiel u Zachodniaj i Centralnaj Afrycy.
Čadam kiruje prezident Machamat Idrys Debi, jaki pryjšoŭ da ŭłady paśla taho, jak u 2021 hodzie paŭstancy zabili jaho baćku, šmathadovaha prezidenta Idrysa Debi.
Bahaty naftavymi resursami Čad zastajecca adnoj z samych biednych krain Afryki.
-
Sikorski: Miažu ź Biełaruśsiu adkryjem, kali Kitaj nam dapamoža
-
113‑hadovy kańjak, mieniu na francuzskaj i paŭtary tysiačy stałovych pryboraŭ. Jakim byŭ karaleŭski bankiet u honar Donalda Trampa
-
Danija vyrašyła nabyć vysokadakładnuju zbroju dla strymlivańnia Rasii. Rasijski pasoł nazvaŭ heta varjactvam
Ciapier čytajuć
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary