Padaču ciapła i elektryčnaści płanujuć adnavić u najbližejšyja dni, a rachunki buduć apłačvać za košt hrošaj Jeŭrasajuza.
29 studzienia «Małdovahaz» i «Tyraspaltranshaz» padpisali kantrakt na pastaŭku 3 miljonaŭ kubamietraŭ pryrodnaha hazu dla padtrymki funkcyjanalnaści hazavaj sistemy levaha bieraha Dniastra.
«Pastaŭki buduć hruntavacca na padstavach zajavak, jakija pastupajuć ad TAA «Tyraspaltranshaz». Zhodna z umovami damovy, hety abjom pryrodnaha hazu pavinien być viernuty da 1 sakavika 2025 hoda», — paviedamiŭ vykanaŭca abaviazkaŭ dyrektara «Małdovahaza» Vadzim Čeban.
Raniej premjer-ministr Małdovy Doryn Rečan zajaviŭ, što Jeŭrasajuz vydzielić krainie 64 miljony jeŭra, ź jakich 20 miljonaŭ nakirujuć na apłatu hazu dla niepryznanaha Prydniastroŭja.
Kiraŭnik niepryznanaha Prydniastroŭja Vadzim Krasnasielski zajaviŭ, što da kanca dnia na Małdaŭskaj HRES budzie adnoŭlenaja hienieracyja elektraenierhii na hazie.
«U pryjarytecie ciapier zapusk sistemy ciepłaenierhietyki. Nieabchodna padniać tempieraturu ŭ sietcy centralizavanaha ciepłazabieśpiačeńnia, kab da niadzieli ciapło pryjšło ŭ damy prydniastroŭcaŭ. Zaŭtra płanujecca zapusk hazazabieśpiačeńnia bytavych spažyŭcoŭ. Viejernyja adklučeńni śviatła spynienyja», — napisaŭ jon u telehramie.
Niepryznanaje prarasijskaje Prydniastroŭje sutyknułasia z enierhietyčnym kryzisam paśla taho, jak Ukraina spyniła 1 studzienia tranzit rasijskaha hazu. Žychary respubliki pasiarod zimy zastalisia biez aciapleńnia i haračaj vady, byli spynienyja pramysłovyja pradpryjemstvy, a elektrasietki nie vytrymlivali nahruzki.
Prydniastroŭje damoviłasia z Małdovaj ab pastaŭkach hazu biez Rasii
Prydniastroŭje pahadziłasia na pastaŭku hazu z Małdovy
Pastaŭki rasijskaha hazu ŭ Prydniastroŭje adnoviacca ŭ chutkim časie. U jakaści humanitarnaj dapamohi
U Prydniastroŭi viejernyja adklučeńni śviatła i pieraboi z mabilnaj suviaźziu
U Biełarusi pačali pijar-kampaniju, kryŭdnuju dla Prydniastroŭja
Kamientary