U Prydniastroŭi viejernyja adklučeńni śviatła i pieraboi z mabilnaj suviaźziu
Deficyt enierhii pahoršyŭsia na fonie pavyšeńnia spažyvańnia elektraenierhii z-za pachaładańnia da -10 hradusaŭ.
Praz enierhietyčny kryzis u niepryznanaj respublicy pavialičvajecca praciahłaść viejernych adklučeńniaŭ elektraenierhii dla spažyŭcoŭ — z adnoj da čatyroch hadzin.
«U Prydniastroŭi ŭzmacniajucca viejernyja adklučeńni śviatła. Učora jany doŭžylisia adnu hadzinu, siońnia — try hadziny, a zaŭtra buduć čatyry», — paviedamlajuć «Naviny Prydniastroŭja».
Akramia taho, prahnazujucca pieraboi ŭ pracy pieradavalnych stancyj mabilnaj suviazi.
«Prydniastroŭski telekamunikacyjny apieratar «Interdniestrkam» (IDC) prainfarmavaŭ abanientaŭ pra mahčymyja abmiežavańni ŭ pradastaŭleńni pasłuh suviazi ŭ zonach časovaha adsutnaści elektrazabieśpiačeńnia padčas viejernych adklučeńniaŭ», — havorycca ŭ publikacyi.
Raniej paviedamlałasia, što enierhakryzis u Prydniastroŭi pačaŭsia paśla spynieńnia pastavak rasijskaha hazu. U vyniku ŭsie pramysłovyja pradpryjemstvy byli spynieny, adklučany aciapleńnie i haračaja vada. Taksama paviedamlałasia, što Małdova prapanavała nabyvać haz u Jeŭropie dla Prydniastroŭja.
Kamientary
łukašienko i jabaťki postroili točno takoje žie pridniestrov́je russkoho mira Rośsii, na miestie biełaruskoj Biełarusi. S takoj žie mafijej, biespriediełom, rieprieśsijami i otsutstvijem pierśpiektiv normalnoho raźvitija.
Kolki taho prydniestroŭja.
Majninh fiermy tolki straciać.