Dziaržsakratar ZŠA Marka Rubia abjaviŭ siabie vykanaŭcam abaviazkaŭ dyrektara USAID
Zajava Marka Rubia była zroblena nieŭzabavie paśla słoŭ miljardera Iłana Maska, jaki ŭznačalvaje refarmavańnie fiederalnaha ŭrada, paviedamlaje CNN. Mask śćviardžaŭ, što prezident ZŠA Donald Tramp padpisaŭ ukaz ab likvidacyi Ahienctva ZŠA pa mižnarodnym raźvićci (USAID).
«Našaj metaj było nakiravańnie našaj źniešniaj dapamohi ŭ adpaviednaści z nacyjanalnymi intaresami. Adnak, kali vy naviedajecie roznyja misii i ambasady pa ŭsim śviecie, to časta vyjavicie, što ŭ šerahu vypadkaŭ USAID udzielničaje ŭ prahramach, jakija supiarečać našaj nacyjanalnaj stratehii ŭ dačynieńni da toj ci inšaj krainy abo rehijonu. Heta nie moža praciahvacca», — zajaviŭ Rubia.
Jak stała viadoma CNN ad niekalkich krynic, na vychadnyja dvoje vysokapastaŭlenych supracoŭnikaŭ słužby biaśpieki USAID byli adpraŭlenyja ŭ administracyjny adpačynak. Heta adbyłosia paśla taho, jak jany admovilisia dać dostup da sistem ahienctva supracoŭnikam departamienta ŭradavaj efiektyŭnaści( DOGE), navat niahledziačy na pahrozy vyklikać palicyju.
Pa słovach krynic CNN, supracoŭniki DOGE sprabavali atrymać dostup da sistem biaśpieki USAID i piersanalnych danych supracoŭnikaŭ. Dvoje ź ich taksama paviedamili, što DOGE chacieŭ atrymać dostup da zasakrečanaj infarmacyi, da jakoj majuć dostup tolki asoby ź nieabchodnymi ŭzroŭniami dopusku i abhruntavanaj nieabchodnaściu.
U Vašynhtonie štab-kvatera USAID była zakrytaja, a supracoŭnikam paviedamili pa elektronnaj pošcie, što im varta zastavacca doma.
Členy Kanhresa i supracoŭniki ahienctva ŭžo daŭno rychtujucca da taho, što administracyja Trampa moža całkam zakryć USAID i pieradać jaho funkcyi Dziaržaŭnamu departamientu.
Paśla ŭstupleńnia na pasadu Tramp prypyniŭ amal usiu mižnarodnuju dapamohu ZŠA na 90 dzion z metaj pravieści jaje aŭdyt na adpaviednaść źniešniaj palitycy novaj administracyi. Vyklučeńni byli zroblenyja dla humanitarnych prahram, «jakija ratujuć žyćci». Paśla hetaha niekatoryja finansavanyja ZŠA prahramy stali zakryvacca.
Ciapier čytajuć
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj19
Kamientary