Hramadstva7474

Ajcišnik viarnuŭsia ŭ Biełaruś praz kamisiju pa viartańni i raskazaŭ, što nie tak ź Ispanijaj

Hutarku prapahandystki Ksienii Lebiedzievaj z ajcišnikam Dzianisam Markinym, jaki raskazaŭ, što jamu nie spadabałasia ŭ Barsiełonie, pakazaŭ kanał «Biełaruś 1». 

Dzianis Markin

Dzianisu Markinu ŭ 2022 hodzie prapanavali pavyšeńnie, dobruju zarpłatu i pierajechać u Barsiełonu ź siamjoj z poŭnaj padtrymkaj. Jon pahadziŭsia, tamu što taki šaniec vypadaje redka.

«Barsiełona, mora. Usio vyhladała vydatna, — kaža jon. — Vialikaja dapamoha kampanii ŭ pierajeździe. My pahadzilisia i ŭ kastryčniku pierajechali ź siamjoj, syna adrazu tam uładzili ŭ škołu. Tady zdavałasia, što heta ŭsio dobra, ale ciapier pryjechali, usio roŭna adnahodki jaho pajšli napierad u navučańni. Tam jon vučyŭsia ŭ piatym kłasie, siudy my viarnulisia, heta čaćviorty kłas, krychu adstaŭ», — raskazvaje Dzianis. 

Pavodle słoŭ Markina, «u Ispanii nie było da kanca rassłablenaści».

«Kali tam u ciabie niejkaja prablema z pracaj, to adrazu zakryvajucca ŭsiakija DNŽ, dakumienty, i ty stanovišsia im nie cikavy. Nie ŭ płanie, jak čałaviek cikavy, a ŭ płanie, chto padatki płacić», — skazaŭ Markin.

Akramia taho, ceny ŭ Ispanii rastuć, «vialikaja płyń ludziej, šmat bamžoŭ na vulicy, i nie prosta žabrakoŭ, a vielmi strašnych», «vielmi vialikaja prablema z kradziažami», a dla ludziej, jakija nie pryvykli da ŁHBT, budzie šok tam. «Plus jašče sam horad u paraŭnańni ź Biełaruśsiu brudny», — dadaŭ jon.

Kažučy pra zarpłatu, ajcišnik skazaŭ, što spačatku zdavałasia, što tam bolš. «Ale potym ty pačynaješ ličyć padatki, i ŭžo atrymlivajecca prykładna taki ž zarobak, jak mnie tut płacili. A potym, kali ŭsie padliki robiš u kancy miesiaca, to razumieješ, što tut, navat kali atrymlivać na 30% mienš zarpłatu, to ŭsio roŭna ty bahaciejšy.

Pa sutnaści, ty tudy pryjazdžaješ i potym nie razumieješ, što ty tam robiš, tamu što mora ŭžo nie tak raduje. I ty razumieješ, što, u pryncypie, u Minsku možna žyć».

«Tut [u Biełarusi] niama takich minusaŭ, jakija tam [u Ispanii] jość, heta praŭda», — skazaŭ Dzianis.

Watch on TikTok

Prapahandysty i sam Markin nie ŭdakładnili, čamu biełarusu pryjšłosia viartacca dadomu praz admysłovuju kamisiju. «Pracaj kamisii skarystalisia nie tolki tak zvanyja zmahary, ale i hramadzianie Biełarusi, jakich zapałochvali tyja ž źbiehłyja i ich resursy, a taksama jeŭrapiejskaja prapahanda», — tak abaznačyli prapahandysty pryčyny. 

Kamientary74

  • Acab
    04.02.2025
    Ŭ Hišpanijach navat kata mieć zabaroniena. Sacyjalistyčny "paradajz" horš za BSSR
  • Aleks
    04.02.2025
    Zdieś hłavnoje - ślediť za prodołžienijem. Potom okažietsia, čto nikakoj on nie ajtišnik, a synok kakoho-nibud́ priedsiedatiela; čto vyjechał on nie po trudovoj, a po tur. vizie, a zatiem riešił ponielehaliť za čto i był vypiert vosvojasi; čto nikakich jazykov kromie russkoho nie znajet; čto był on nie v Ispanii, a v Turcii ili OAE; i voobŝie, čto on nie Dienis, a Kola ))
  • Vadzim
    04.02.2025
    > dla ludziej, jakija nie pryvykli da ŁHBT, budzie šok tam

    aaa.... nu tady žeść viadoma... spačuvaju... jak ža tam užo vyžyvieš pry takich paradkach.. tut užo chočaš nia chočaš, viartacca - adzinaje vyjście...

    ps... biednyja niaščasnyja zmušanyja hladzieć na łhbt hišpancy...

Ciapier čytajuć

Jak štučny intelekt źmienić našu miedycynu za nastupnyja hady? Razvažaje biełaruska-zasnavalnica startapa

Jak štučny intelekt źmienić našu miedycynu za nastupnyja hady? Razvažaje biełaruska-zasnavalnica startapa

Usie naviny →
Usie naviny

Na vajnie z Rasijaj zahinuła 100 tysiač ukrainskich vajskoŭcaŭ — CBS15

Maładaja akciorka Kołasaŭskaha teatra začapiła ludziej svaim vykazvańniem pra biełaruskuju movu80

«Mnie skazali, što jany zrabili pamyłku». Tramp prakamientavaŭ udar pa Sumach, ale Rasiju nie zhadaŭ10

«Uziaŭ nahan 1917 hoda». Polšča raźviarnuła 3D-mastaka na miažy z-za chobi i zabaraniła ŭjezd na 5 hadoŭ. Doma taksama prablemy7

CRU rassakreciła dakumient ab napadzie inšapłanietnikaŭ na savieckich vajskoŭcaŭ7

Bolš čałaviečy, ale vierny pryncypam. Jakim atrymaŭsia 7-y siezon «Čornaha lusterka»

Zialenski zaklikaŭ Trampa naviedać Ukrainu2

Paśla ŭdaru pa Sumach 13-hadovy chłopiec vybraŭsia z pałajučaha aŭtobusa i dapamoh ratavać inšych

Biełarus raskazaŭ, jak novyja handlovyja taryfy ZŠA adbilisia na pracy jaho zavoda ŭ Techasie27

bolš čytanych navin
bolš łajkanych navin

Jak štučny intelekt źmienić našu miedycynu za nastupnyja hady? Razvažaje biełaruska-zasnavalnica startapa

Jak štučny intelekt źmienić našu miedycynu za nastupnyja hady? Razvažaje biełaruska-zasnavalnica startapa

Hałoŭnaje
Usie naviny →

Zaŭvaha:

 

 

 

 

Zakryć Paviedamić