U Vilni i Varšavie zapuskajecca adukacyjnaja prahrama «Žurfak pa subotach», jakaja budzie rychtavać kadry dla niezaležnych miedyjaŭ
10 lutaha zakančvajecca nabor navučencaŭ na adukacyjnuju prahramu «Žurfak pa subotach» u Vilni i Varšavie, jakaja zaklikanaja rychtavać kadry dla niezaležnych miedyjaŭ.
Adukacyjny prajekt budzie prachodzić całkam afłajn pa adzinaj adukacyjnaj prahramie (u zaležnaści ad krainy, u jakoj žyvie ŭdzielnica ci ŭdzielnik).
Treniery kursa — praktykujučyja redaktary i žurnalisty viadomych biełaruskich niezaležnych miedyjaŭ: «Naša Niva», «Zialony partał», Hrodna.life, «Salidarnaść», Palatno.
Navučańnie budzie vieścisia pa čatyroch trekach: praktyčnyja navyki žurnalista, adaptacyja ŭ ńjusrumie, zapaŭnieńnie «biełych plam» pa kantekście (viedańnie ekanomiki, palityki, historyi i h. d.), adaptacyja da pracy žurnalista ŭ biełaruskich realijach.
Na praciahu ŭsiaho navučalnaha pracesu studentam daviadziecca asvojvać multymiedyjnyja navyki.
Navučańnie budzie prachodzić pa adzinaj prahramie ŭ Varšavie i Vilni ŭ try etapy:
- Asnovy žurnalistyki (dla pačatkoŭcaŭ) — sakavik — travień 2025 hoda.
- Pavyšeńnie kvalifikacyi (dla dziejnych žurnalistaŭ) — kastryčnik — śniežań 2025 hoda.
- Śpiecyjalizacyja (dla pahłyblenaha vyvučeńnia) — luty — krasavik 2026 hoda.
Na kožny etap budzie pravodzicca asobny nabor.
Pieršy modul, na jaki zaraz idzie nabor, budujecca vakoł navykaŭ i redakcyjnych pracesaŭ: vyvučeńnie patrebaŭ aŭdytoryi (dziela jakoj i pracujuć žurnalisty), praca z navinami, asnoŭnyja žurnalisckija standarty ŭ navinach, evalucyja navin, padrychtoŭka i praviadzieńnie intervju, praca ŭ vyhnańni.
Zaniatki buduć prachodzić pa subotach, 10 tydniaŭ zapar.
U Vilni navučańnie projdzie z 1 sakavika pa 24 traŭnia 2025 hoda.
U Varšavie — z 15 sakavika pa 31 traŭnia 2025 hoda.
Kali vy znachodziciesia ŭ Litvie, zapoŭnicie zajaŭku tut.
Kali vy žyviacie ŭ Polščy, zapoŭnicie zajaŭku tut.
«Lepiej z hoładu zdochnu». Kavieryn i «Obyčnoje utro» zastalisia biez hrošaj, ale jon rady spynieńniu amierykanskaha finansavańnia. Voś čamu
Ci varta biełaruskim niezaležnym miedyja brać hrošy ŭ Chadarkoŭskaha? Adkazvajuć Knyrovič, Stryžak i Paŭlučenka
«Nieviadoma, kali my atrymajem nastupny zarobak». Jak prypynieńnie padtrymki ad ZŠA paŭpłyvała na biełaruskija ŚMI i NDA
U zahinułaj u Ślapiancy dziaŭčynie apaznali Janu Kastrankovu2
Kamientary
...
JANKA, heta vaš šaniec )
...
jakoje cikavaje słova )