Vialiki handlova-zabaŭlalny kompleks Arena City, raźmieščany na praśpiekcie Pieramožcaŭ u Minsku, znoŭ vystavili na prodaž na sajcie ZAT «Biełrealizacyja».
Pieršuju sprobu pradać nieruchomaść uładalnik zrabiŭ u mai 2023 hoda. Tady košt abjekta płoščaj 84 tys. kv.m składaŭ $74 młn.
Ciapier pačatkovy košt — $74,4 młn. Aŭkcyjon adbudziecca 18 sakavika.
Arena City pabudavała kampanija «Trajpł». U 2016 hodzie centr pierajšoŭ va ŭłasnaść Biełahraprambanka, jaki finansavaŭ budaŭnictva pa damovie zvarotnaha lizinhu.
Jurydyčna handlovy centr staŭ ułasnaściu banka, ale kiravała im kampanija «Prastor-Trejd», padkantrolnaja siamji biznesmiena.
U 2019 hodzie Biełahraprambank źmianiŭ lizinhaatrymalnika, i TRC pierajšoŭ pad kiravańnie kampanii «Parahis». U hety čas hipiermarkiet ProStore u Arena City źmianiŭsia na Green, pryjšli novyja arendatary.
U 2022 hodzie Biełahraprambank pieradaŭ centr u davieranaje kiravańnie «A-Sici», stvoranaj lizinhavaj kampanijaj banka — «Ahralizinh».
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA16
Kamientary