Ułady Azierbajdžana vyrašyli faktyčna zakryć filijał rasijskaha prapahandysckaha infarmahienctva Sputnik. Kolkaść supracoŭnikaŭ redakcyi skarociać z 40 da adnaho, piša The Moscow Times.
Pa słovach krynic, aficyjna rašeńnie ab faktyčnaj likvidacyi «Sputnik Azierbajdžan» tłumačycca imknieńniem «likvidavać niaroŭnaść» u pradstaŭnictvie dziaržaŭnych infarmacyjnych ahienctvaŭ. Ułady majuć namier zychodzić z pryncypu ŭzajemnaści.
Heta značyć ahienctva «Rośsija siehodnia» i, u pryvatnaści, Sputnik, jaki naležyć jamu, zmohuć zachavać u Azierbajdžanie stolki supracoŭnikaŭ, kolki pracujuć u Rasii ŭ azierbajdžanskaha Azertag. Ciapier heta adzin čałaviek.
U apošnija hady materyjały padkantrolnaha Kramlu ahienctva nieadnarazova stanavilisia abjektami krytyki Baku jak nieabjektyŭnyja ci supiarečnyja dziaržaŭnaj palitycy.
Rašeńnie ab poŭnaj likvidacyi redakcyi Sputnik było pryniata na fonie zakryćcia ŭ Baku «Ruskaha doma».
Adnosiny pamiž Azierbajdžanam i Rasijaj abvastrylisia paśla krušeńnia samalota avijakampanii AZAL, jaki lacieŭ u Hrozny ŭ śniežni 2024 hoda. Tady zahinuli 38 čałaviek. Prezident Azierbajdžana Ilcham Alijeŭ abvinavaciŭ Rasiju ŭ sprobach «zamiać incydent» i schavać z dapamohaj «varjackich viersij» fakt abstrełu pavietranaha sudna rasijskaj SPA.
Azierbajdžan spyniŭ u krainie dziejnaść «Rassupracoŭnictva»
U Kazachstanie apublikavali papiaredniuju spravazdaču ab krušeńni azierbajdžanskaha samalota
Alijeŭ znoŭ rezka prajšoŭsia pa Rasii za źbity samalot: My patrabujem čałaviečych pavodzin
«Pieršyja try dni my nie čuli ad Rasii ničoha, akramia varjackich viersij». Alijeŭ patrabuje ad Rasii vybačeńniaŭ i pryznańnia viny
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary