Alijeŭ znoŭ rezka prajšoŭsia pa Rasii za źbity samalot: My patrabujem čałaviečych pavodzin
Prezident Azierbajdžana Ilcham Alijeŭ na sustrečy z členami siemjaŭ zahinułaha ŭ avijakatastrofie ekipaža i vyžyłymi bortpravadnikami samalota «Azierbajdžanskich avijalinij» zajaviŭ, što vina za katastrofu lažyć na pradstaŭnikach RF i zapatrabavaŭ, kab vinavatyja narešcie byli pakaranyja.
«Mahu z upeŭnienaściu skazać, što vina za toje, što azierbajdžanskija hramadzianie zahinuli ŭ hetaj katastrofie, lažyć na pradstaŭnikach Rasijskaj Fiederacyi. I my patrabujem spraviadlivaści, my patrabujem pakarańnia vinavatych, my patrabujem poŭnaj prazrystaści i čałaviečych pavodzinaŭ», — cytuje Alijeva infarmahienctva Azertag.
Pavodle słoŭ Alijeva, zaraz idzie praces rasšyfroŭki čornych skryń.
«Upeŭnieny, što ŭ bližejšy čas my daviedajemsia papiaredni vynik, i ŭsio stanie na svaje miescy, usia karcina trahiedyi budzie viadomaja. I heta, zrazumieła, budzie važnym momantam u spravie poŭnaha rasśledavańnia hetaj trahiedyi i pakarańnia vinavatych u joj», — skazaŭ Alijeŭ.
Jon dadaŭ, što «čornyja skryni» rasšyfroŭvajucca ŭ Brazilii (krainie-vytvorcy Embraer) pa patrabavańni Azierbajdžana. Alijeŭ raspavioŭ, što admoviŭsia adpraŭlać samapiscy ŭ Miždziaržaŭny avijacyjny kamitet (MAK), bo sumniavajecca ŭ abjektyŭnaści hetaj struktury.
«Sproby dziaržaŭnych struktur Rasii zamiać hety incydent i nastojvać na absurdnych viersijach vyklikajuć u nas i ździŭleńnie, i škadavańnie, i spraviadlivaje abureńnie», — skazaŭ Alijeŭ.
Pavodle jaho słoŭ, płan «Dyvan» (jaki zabaraniaje paloty) nad Hroznym byŭ abvieščany paśla taho, jak samalot byŭ abstralany ź ziamli.
Samalot Azerbaijan Airlines, jaki vykonvaŭ rejs Baku-Hrozny, paciarpieŭ krušeńnie ŭ kazachstanskim Aktau 25 śniežnia — 29 čałaviek vyžyli, 38 zahinuli.
Uładzimir Pucin praź niekalki dzion paprasiŭ prabačeńnia pierad Alijevym u telefonnaj razmovie, ale prezident Azierbajdžana patrabuje publičnaha pryznańnia viny, kampiensacyi i pakarańnia vinavatych.
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»5
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary