Minčanie zaŭvažyli, što na maršrutach hramadskaha transpartu stała bolš hučać ruskaj movy.
U pryvatnaści, abjavy na ruskaj movie ciapier źjavilisia na maršrutach: №143 aŭtobusa i №31 tralejbusa. Nazirańniami biełarusy padzialilisia ŭ sacsietkach, zaŭvažyŭ Reform.news.
«Uvažajemyje passažiry… Na vašych maršrutach taksama zahučała ruskaja mova?» — zaniepakoilisia ŭvažlivyja minčuki.
«U 143 aŭtobusie tak, učora zahučała. Krychu niepryvyčna, skažu ja vam».
«Tralejbus #31, siońnia, pa-rusku».
«Žach, ciapier uvieś transpart pa-rasiejsku budzie?» — zastalisia nieabyjakavymi da moŭnaj «reformy» ŭ transparcie ludzi.
Na peŭnych maršrutach pa-rusku hučyć tolki dadatkovaja infarmacyja, abjavy prypynkaŭ zastalisia pa-biełarusku.
Na inšych — znajomy ŭsim zvarot «Pavažanyja pasažyry» ŭžo zahučaŭ na ruskaj movie.
Biełaruskamoŭnyja paviedamleńni pakul zastalisia ŭ tramvajach.
Na sajcie «Minsktransa» abjaŭ pra moŭnyja novaŭviadzieńni niama.
Nahadajem, što naprykancy minułaha hoda viadomaja prarasijskaja danosčyca Volha Bondarava patrabavała ad dziaržaŭnaha pradpryjemstva «Minsktrans», kab prypynki ŭ hramadskim transparcie abjaŭlali nie tolki na biełaruskaj, ale i na ruskaj movach.
Tady praŭładnaja błohierka atrymała adkaz za podpisam kiraŭnika arhanizacyi, što abjavy na dźviuch movach niemahčymyja. Transpart na prypynkach staić nie bolš za chvilinu — umiaścić u hety adrezak paviedamleńni na ruskaj i biełaruskaj składana. Akramia taho, «Minsktrans» uzhadaŭ i infarmacyju na ruskaj movie, jakaja hučyć na maršrutach.
Sychodziačy z novych źviestak, mahčyma, «Minsktrans» pajšoŭ-taki pa ŭstupki Bondaravaj.
Brat biełaruskaj karalevy pryhažości trapiŭ u reanimacyju ŭ Azierbajdžanie4
Brat biełaruskaj karalevy pryhažości trapiŭ u reanimacyju ŭ Azierbajdžanie
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary