U internet źlili pierapisku Kavaleŭskaha i Cichanoŭskaj. Ale kancoŭ nie znajści
U źlitych listach abmiarkoŭvajecca prajekt pašparta Novaj Biełarusi.
Artykuł sa źlivami apublikavała amierykanskaje krajnie levaje vydańnie The Grayzone. Za im raniej byli zaŭvažany palityčnaja praduziataść, raspaŭsiud prarasijskaj prapahandy i kanśpirałohii.
Častka z apublikavanaj u artykule infarmacyi dastupna publična. Asnoŭny źliŭ — pierapiska Śviatłany Cichanoŭskaj i Valera Kavaleŭskaha nakont prajekta pašparta Novaj Biełarusi. Kavaleŭski adkazvaŭ za prajekt, pakul zajmaŭ pasadu namieśnika kiraŭnicy Abjadnanaha pierachodnaha kabinieta i pradstaŭnika pa zamiežnych spravach.
Artykuł apisvaje padziei červienia 2024 hoda — napiaredadni litoŭskaje pradpryjemstva, jakoje pracavała nad prajektam pašparta Novaj Biełarusi, abvinavacili ŭ suviazi z kašalkom Alaksandra Łukašenki Viktaram Šaŭcovym. U źlitym listavańni Kavaleŭski vykazvaje palohku — maŭlaŭ, pašancavała, što hety skandał zdaryŭsia da pačatku druku pašpartoŭ i ŭkazvaje na inšyja pamyłki ŭ prajekcie.
Zhadvajecca taksama, što «isłandcy dali zadni chod» peŭnym damoŭlenaściam pa pašparcie.
Śviatłana Cichanoŭskaja dała Kavaleŭskamu zrazumieć, što asobnych hrošaj na pašpart praduhledžana nie było, što vyklikała ŭ apošniaha nieparazumieńnie. Pa vyniku Cichanoŭskaja davodzić, što ŭ niaŭdačach z prajektam vinavaty Kavaleŭski, jaki karmiŭ biełarusaŭ abiacańniami, pry hetym nie stvaryŭ patrebnuju infrastrukturu i nie zapuściŭ narodny kraŭdfandynh, pierš čym arhanizoŭvać vyrab dakumienta.
Kavaleŭski nie zhadžajecca i adznačaje, što jon navat nie byŭ pahružany va ŭsie spravy i finansy, chacia byŭ adkaznym kurataram. Jon stavić umovu viarnuć jamu ŭsie paŭnamoctvy kiraŭnika, inakš abiacaje pakinuć pasadu — pa vyniku tak i zdarajecca.
Da materyjału The Grayzone dałučaje spasyłku z pramymi cytatami ź pierapiski (tam pryvodzicca tekst paviedamleńniaŭ, a nie sami skrynšoty).
U kamientary «Našaj Nivie» Valer Kavaleŭski paćvierdziŭ aryhinalnaść cytat ź listavańnia, ale adznačyŭ, što paśla sychodu z APK nie kantralavaŭ poštu:
«Ja nikomu ničoha z pošty nie pieradavaŭ. Dostup da majoj byłoj pošty jość tolki ŭ APK».
U Ofisie Cichanoŭskaj adznačyli, što ŭzłomu ich pošty nie było.
Pres-słužba Abjadnanaha pierachodnaha kabinieta taksama admaŭlaje źliŭ sa svajho boku:
«U Kabiniecie praviedziena pahłyblenaja pravierka, i my možam ćviorda zajavić: biaśpieka słužbovaj pošty APK nadziejna zabiaśpiečana prahramnymi i aparatnymi srodkami. Adpaviedna, nichto nie mieŭ niesankcyjanavanaha dostupu da elektronnaj paštovaj skryni pradstaŭnika APK pa mižnarodnych spravach z momantu jaje stvareńnia.
Pryviedzienaja ŭ artykule vydańnia The Grayzone pierapiska adbyvałasia 1‑3 červienia 2024 hoda. 26 červienia 2024 hoda Valer Kavaleŭski abviaściŭ pra svaju adstaŭku. Technična dostup da pošty zachoŭvaŭsia za im na termin, nieabchodny dla pieradačy spraŭ».
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny14
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii22
Kamientary