Minadukacyi choča ŭ razy pavialičyć kolkaść afrykanskich studentaŭ u biełaruskich VNU
Ministr adukacyi Biełarusi Andrej Ivaniec zajaviŭ pra płany značna pavialičyć kolkaść studentaŭ z afrykanskich krain u biełaruskich VNU. Na siońniašni dzień ich naličvajecca nie bolš za 2,6 tysiačy čałaviek, a naraścić kolkaść chočuć «kratna».
Ivaniec adznačyŭ, što afrykanski kantynient siońnia źjaŭlajecca adnym z takich, jakija najbolš dynamična raźvivajucca, tamu śpiecyjalisty z vyšejšaj adukacyjaj tam vielmi zapatrabavanyja. U biełaruskich univiersitetach studentaŭ z Afryki rychtujuć na inžynieraŭ, śpiecyjalistaŭ u sielskaj haspadarcy, miedykaŭ i admysłoŭcaŭ u inšych prafiesijach.
Dla pavieličeńnia kolkaści afrykanskich studentaŭ płanujecca pierajści da sistemnaha ekspartu adukacyjnych pasłuh. Kali ciapier zamiežnyja studenty pastupajuć pieravažna pa indyvidualnych zajaŭkach, u budučyni čakajecca zaklučeńnie dvuchbakovych damoŭ pamiž univiersitetami Biełarusi i asobnych afrykanskich krain. Heta pavinna spraścić praceduru pastupleńnia i pavialičyć kolkaść achvotnych vučycca ŭ Biełarusi.
Jak prykład paśpiachovaha supracoŭnictva Andrej Ivaniec pryvioŭ Zimbabve, adkul Biełaruś nie tolki pryciahvaje novych studentaŭ, ale i ładzić aktyŭnyja stažyroŭki prafiesarska-vykładčyckaha składu.
«Tyja vykładčyki, jakija buduć na sistemnaj asnovie prachodzić stažyroŭki ŭ našych univiersitetach, buduć faktyčnymi pravadnikami našaj adukacyi na hety kantynient», — zajaviŭ ministr.
U Biełarusi znoŭ zahavaryli pra bliskučyja pierśpiektyvy na afrykanskim rynku
«Rabotnikaŭ z Afryki adpraŭlajuć na kuchniu». Čym zajmajucca pracoŭnyja mihranty ŭ Biełarusi i adkul jeduć?
Ciemnaskury student u Minsku paskardziŭsia Łukašenku na darahuju koka-kołu. Užo vybačaŭsia, ale milicyja im zacikaviłasia
«Ja nie chaču prablem, u mianie ŭsio dobra, ja lublu Biełaruś». Student z Konha, jaki skardziŭsia Łukašenku na ceny, pabyvaŭ u milicyi
Ciapier čytajuć
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam23
Kamientary