Starmier patelefanavaŭ Zialenskamu i skazaŭ, što pravodzić vybary padčas vajny nierazumna. Pry Čerčylu — nie pravodzili
Premjer-ministr Vialikabrytanii Kir Starmier viečaram 19 lutaha patelefanavaŭ prezidentu Ukrainy Uładzimiru Zialenskamu i «padkreśliŭ nieabchodnaść taho, kab usie pracavali razam». Pry hetym jon padtrymaŭ jaho ŭ supraćdziejańni sprobam prezidenta ZŠA Donalda Trampa schilić ukrainskaje kiraŭnictva da praviadzieńnia vybaraŭ va ŭmovach niaskončanaj vajny.
«Premjer-ministr vykazaŭ svaju padtrymku prezidentu Zialenskamu jak demakratyčna abranamu lidaru Ukrainy i skazaŭ, što całkam razumna prypyniać vybary ŭ vajenny čas, tak i Złučanaje Karaleŭstva rabiła padčas Druhoj suśvietnaj vajny», — havorycca ŭ brytanskim aficyjnym kamiunikie.
Sapraŭdy, z 1935 pa 1945 hady, pry Čerčylu, vybary nie pravodzilisia, choć vajennyja dziejańni niepasredna na terytoryi vialikabrytanskaj mietrapolii nie išli.
U toj ža čas «premjer-ministr znoŭ padkreśliŭ svaju padtrymku ŭznačalenych ZŠA namahańniaŭ dla dasiahnieńnia daŭhaviečnaha miru va Ukrainie, jaki ŭtrymaŭ by Rasiju ad luboj budučaj ahresii».
Starmier pazicyjanuje siabie jak pasiarednik pamiž ZŠA i krainami kantynientalnaj Jeŭropy i ŭ ramkach hetaj misii adpravicca na nastupnym tydni ŭ ZŠA. Taksama, jak stała viadoma, u hety samy pieryjad ZŠA naviedaje prezident Francyi. Pra vizit Kira Starmiera i Emanuela Makrona ŭ Vašynhton paviedamiŭ pamočnik prezidenta ZŠA pa nacyjanalnaj biaśpiecy Majk Uołtc, piša Reuters.
Raniej Vialikabrytanija i Francyja vykazvali hatoŭnaść udzielničać u patencyjnaj vajskovaj misii va Ukrainie. Donald Tramp padčas pres-kanfierencyi 18 lutaha zajaviŭ, što nie maje namieru hetamu piarečyć.
Ciapier čytajuć
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca4
Kamientary
Armija rabov jeŝio nie raźbiežałaś i, naviernoje, nie raźbiežitsia v obozrimom buduŝiem (hdie-to hod) i jesť jeŝio koho busificirovať na tom žie horizontie płanirovanija, poetomu "vojennych pričin" niet, miasorubku možno krutiť dalšie? A potom šo?
Pochožie liš iz-za uvieriennosti čto vojennaja katastrofa nie proizojdiet priamo siejčas Ziela budiet sabotirovať mirnyje pieriehovory. Čto vnutri Ukrainy budiet vyhladieť kak "zrada, Tramp nas ślił, no my sami niezłamno vystoim". A snaruži budiet vyhladieť čto imienno riežim Zielenskoho krovožadnyje jastrieby žiełajuŝije prodołžať biessmyślennuju i bieśpierśpiektivnuju vojnu voprieki vsiem usilijam po mirnomu uriehulirovaniju.