Jeŭrapiejskija śpiecsłužby bajacca vyvadu amierykanskich vojskaŭ z krain ES
U Jeŭropie raście tryvoha z-za pieramoŭ pamiž ZŠA i Rasijaj. Prezident ZŠA Donald Tramp pakul nie abviaščaŭ pra vyvad amierykanskich vojskaŭ ź Jeŭropy, adnak, pavodle Bild, śpiecsłužby jeŭrapiejskich krain razhladajuć taki scenaryj.
«Havorka idzie pra patrabavańni Pucina 2021 hoda — vyvad vojskaŭ ZŠA z usich krain NATA, jakija dałučylisia paśla 1990 hoda», — zajaviŭ u razmovie z Bild pradstaŭnik słužby biaśpieki adnoj z uschodniejeŭrapiejskich krain.
Taki krok moža pryvieści da rezkaha paharšeńnia situacyi ŭ Uschodniaj Jeŭropie. Ekśpierty papiaredžvajuć, što ŭ vypadku vyvadu amierykanskich vajskoŭcaŭ rasijskaja armija moža pasprabavać pašyryć svoj upłyŭ na krainy Bałtyi, a taksama spravakavać maštabny kanflikt z Polščaj.
Pavodle surazmoŭcaŭ Bild, u krainach, što miažujuć z Rasijaj, prysutnaść amierykanskich vajskoŭcaŭ ličać hałoŭnaj harantyjaj ich niezaležnaści.
Tryvožnyja sihnały pastupajuć i ź Italii. Ułady krainy rychtujucca da mahčymaści vyvadu vojskaŭ ZŠA z Kosava, što moža pavialičyć napružanaść na Bałkanach, asabliva ź Sierbijaj. Niamieckija dypłamaty ŭ razmovie z Bild dapuskajuć taki scenar, nazyvajučy jaho «całkam realistyčnym».
Pavodle Financial Times, Uładzimir Pucin damahajecca skaračeńnia prysutnaści NATA ŭ krainach byłoha SSSR, a jeŭrapiejskija čynoŭniki bajacca, što Tramp moža pahadzicca na takija ŭmovy i navat pieravykanać ich.
Adzinyja bazy, jakija pakul zastajucca pa-za abmierkavańniem, — heta abjekty ZŠA ŭ Hiermanii (baza Ramštajn) i Vialikabrytanii.
Kamientary
Udačy Trampynia zmahacca i z Rasiejaj i z Kitajem u 2027 hodzie ;)
No vyihrajet li ot etoj vakžanalii Amierika?!
Što majem u suchim astatku ? Biełaruś całkam pad hibrydnaj akupacyjaj Rasiejaj, va Ŭkrainie vajna j 20% terytoryi pad rasiejskim akupantam, a haranty spakojna puskajuć zialonyja burbałki z rudaha nosu...
Tamu niepakoj jeŭrapiejskich śpiecsłužbaŭ maje pad saboju realnuju hlebu...