U Minsku sudziać žurnalista Ihara Iljaša — muža palitźniavolenaj Kaciaryny Andrejevaj
U Minskim haradskim sudzie 21 lutaha pačaŭsia praces nad žurnalistam Iharam Iljašom, jakoha pravaabaroncy pryznali palitviaźniem. Jahonaj žoncy, žurnalistcy Kaciarynie Andrejevaj paśla adbyćcia dvuch z pałovaj hadoŭ kałonii dadali vosiem hadoŭ.
Žurnalistu vystavili abvinavačańni ŭ «dyskredytacyi Biełarusi» (art. 369-1 Kryminalnaha kodeksa Biełarusi) i ŭ «sadziejničańni ekstremisckaj dziejnaści» (č. 2 art. 361-4 KK). Iharu Iljašu pahražaje da 6 hadoŭ źniavoleńnia. Praces nad Iljašom adkryty, jaho viadzie sudździa Siarhiej Kacar, piša Radyjo Svaboda.
Pra zatrymańnie žurnalista stała viadoma 22 kastryčnika 2024 hoda. Praŭładnyja telehram-kanały zajaŭlali, što jon nibyta «sadziejničaŭ ekstremisckim farmavańniam» — davaŭ intervju niezaležnym miedyja, a taksama nibyta «zajmaŭsia zboram źviestak dla zamiežnych vyviedak», bo kamientavaŭ padziei ŭkrainskim vydańniam.
Pra chod rasśledavańnia spravy Iljaša, jakoha ŭtrymlivajuć u SIZA ŭ Kaladzičach pad Minskam, viadoma niašmat. Pavodle daśviedčanaj krynicy, jon «nie razhubiŭsia, trymajecca mužna, ciapier rychtujecca da svajoj abarony».
Taksama viadoma, što na ŭmovy ŭtrymańnia ŭ novym budynku minskaha śledčaha izalatara Iljaš nie skardzicca, pieradačy i listy da jaho dachodziać.
«Na zdaroŭje taksama nie narakaje, bolš pieražyvaje za zdaroŭje svajakoŭ i asabliva žonki», — paviedamiła krynica.
«Maru sustreć Kaciu z kvietkami kala kałonii»
Krynica adznačyła, što Iljaš zastavaŭsia ŭ Biełarusi paśla svajho papiaredniaha zatrymańnia. Jon moh pakinuć krainu, ale zastaŭsia, kab padtrymlivać listami i pieradačami svaju žonku, žurnalistku «Biełsatu» Kaciarynu Andrejevu (Bachvałavu).
Kaciaryna była aryštavanaja jašče ŭ listapadzie 2020 hoda. Ad taho času jaje dvojčy sudzili i prysudzili ahułam 8 hadoŭ i 3 miesiacy źniavoleńnia. Jana adbyvaje pakarańnie ŭ žanočaj kałonii № 4 u Homieli.
Z kastryčnika 2024 hoda pieradačy i listy dasyłajuć užo i Iljašu.
Raniej jaho ŭžo zatrymlivali dvojčy: u listapadzie 2020 hoda jaho asudzili na 15 sutak administracyjnaha aryštu, a ŭletku 2021 hoda jon pravioŭ 10 dzion na Akreścina ŭ ramkach kryminalnaj spravy suprać žurnalistaŭ, paśla čaho jaho vyzvalili pad padpisku.
Paśla vychadu z-za krataŭ u 2021 hodzie Iljaš kazaŭ, što ŭsprymaje hetuju svabodu jak padarunak losu, jaki choča pryśviacić svajoj žoncy.
«Ciapier viedaju, jakoje heta ščaście — vyjści na volu. Maru sustreć Kaciu z kvietkami kala kałonii», — kazaŭ jon tady.
Jon admaŭlaŭsia navat razvažać pra adjezd z krainy, bo jahonaja žonka zastavałasia za kratami.
Kaciaryna Andrejeva «trymajecca mužna» i praciahvaje pisać vieršy
Pavodle inšaj krynicy, jakaja viedaje situacyju, Kaciaryna Andrejeva ŭ kałonii ŭ Homieli taksama trymajecca stojka.
«Pavodzić siabie vielmi razumna, strymana, kanfliktaŭ u jaje niama, pracuje. U volny čas čytaje i praciahvaje pisać vieršy. Voś tolki zdaroŭje nie nadta, ale leki z voli atrymlivaje i miedycynskuju dapamohu taksama», — paviedamiła krynica.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał44
Kamientary