Łukašenka padpisaŭ ukaz ab uzmacnieńni paŭnamoctvaŭ vykankamaŭ
21 lutaha Łukašenka padpisaŭ ukaz «Ab uzmacnieńni roli staršyń vykanaŭčych kamitetaŭ bazavaha ŭzroŭniu ŭ raźvićci rehijonaŭ». Dakumient apublikavany na sajcie Łukašenki i ŭstupić u siłu z 1 sakavika.
Ukazam pašyrajucca finansavyja i kadravyja paŭnamoctvy vykankamaŭ. Skazana, što kadravyja paŭnamoctvy čynoŭnikaŭ pašyrajucca ŭ dačynieńni nie tolki dziaržaŭnych orhanaŭ, ale i «inšych arhanizacyj, jakija dziejničajuć na adpaviednaj terytoryi».
Staršyni rajonnych i haradskich vykankamaŭ ciapier pavinny zaćviardžać kiraŭnikoŭ arhanizacyj sa śpisa, jaki składaje vykankam bazavaha ŭzroŭniu. Taksama jany ž pavinny razhladać kiraŭnikoŭ dla praciahnieńnia pracoŭnaha kantraktu.
Na pasiadžeńniach vykankama z zaprašeńnia staršyni vykankama pavinien prysutničać supracoŭnik prakuratury — u jaho budzie prava hołasu pa tych ci inšych pytańniach.
Spynieńnie ci časovaje spynieńnie dziejnaści «važnych dla rehijona abjektaŭ» pavinna ŭzhadniacca z vykankamami.
U śpisie takich abjektaŭ pieraličany: abjekty dobraŭparadkavańnia, dziciačyja i spartyŭnyja placoŭki, aŭtamabilnyja stajanki i parkoŭki, rovarnyja stajanki, abjekty hramadskaha charčavańnia, bytavoha absłuhoŭvańnia, paštovaj suviazi, handlu, aptek, kulturna-zabaŭlalnych abjektaŭ, adździaleńniaŭ bankaŭ i bankamataŭ.
Pa łohicy dakumienta, heta pavinna paŭpłyvać na skaračeńnie pracoŭnych miescaŭ i likvidacyju sacyjalna važnych abjektaŭ.
Akramia rasparadžeńniaŭ čynoŭniki z vykankamaŭ ciapier zmohuć vynosić piśmovyja patrabavańni ab parušeńni zakanadaŭstva i dyscyplinarnaj adkaznaści supracoŭnikaŭ nižejšych vykankamaŭ i inšych arhanizacyj.
Za nievykanańnie takich patrabavańniaŭ praduhledžana administratyŭnaja adkaznaść.
Taksama čynoŭnikaŭ zaklikajuć «aktyŭna załučać hramadzian u ahulnuju spravu pa naviadzieńniu paradku ŭ krainie».
Napačatku śniežnia Łukašenka ŭžo nastojvaŭ na ŭzmacnieńni paŭnamoctvaŭ miascovaj ułady ŭ dačynieńni da pryvatnaha siektara.
Tady jon nahadaŭ, što zaraz idzie Hod dobraŭparadkavańnia i piacihodka jakaści. Zadačy pa hetym profilu kładucca na rehijony i ich kiraŭnikoŭ:
«I što, staršynia rajvykankama budzie chadzić kłaniacca da kiraŭnikoŭ pryvatnaha siektara, kab jany, da prykładu, hetyja zadačy vyrašali? Rašeńni vykanaŭčaha kamiteta i staršyni vykankama pavinny być kančatkovymi i abmierkavańniu nie padlahać. U płanie funkcyjanału, jaki kładziecca na ich».
Ciapier čytajuć
Pieršaha sakratara pasolstva Biełarusi ŭ ZŠA pasadzili za palityku1
Kamientary