Źviestki Pientahona abviarhajuć zajavy Trampa, što ZŠA vydzielili Ukrainie $350 młrd
Na hetym tydni prezident Tramp paŭtaryŭ svajo śćviardžeńnie, što Złučanyja Štaty vydatkavali 350 miljardaŭ dołaraŭ na vajnu va Ukrainie. Hetaja ličba značna pieravyšaje sumu, zafiksavanuju Ministerstvam abarony, piša «Hołas Amieryki».
Z pačatku poŭnamaštabnaha ŭvarvańnia Rasii va Ukrainu ZŠA dali Ukrainie kala 183 miljardaŭ dołaraŭ dapamohi, ź ich 65,9 miljarda dołaraŭ byli vydatkavanyja na vajennuju padtrymku Ukrainy.
Kala 58 miljardaŭ dołaraŭ sa 183 miljardaŭ byli patračanyja ŭ samich ZŠA.
«Hetyja srodki byli nakiravanyja niepasredna na raźvićcio amierykanskaj abaronnaj pramysłovaści abo šlacham zamieny staroj zbroi, pieradadzienaj Kijevu, na novuju zbroju amierykanskaj vytvorčaści, abo šlacham pramych inviestycyj u pramysłovaść», — piša vydańnie.
«Hołas Amieryki» źviarnuŭsia da Biełaha doma z prośbaj rastłumačyć słovy Trampa, u tym liku pradastavić lubuju dakumientacyju adnosna razychodžańnia ličbaŭ.
Bieły dom u adkaz pracytavaŭ kamientar prezidenta.
U paviedamleńni ŭ sacyjalnaj sietcy Truth Social Tramp skazaŭ: «Umierana paśpiachovy komik Uładzimir Zialenski pierakanaŭ Złučanyja Štaty Amieryki vydatkavać 350 miljardaŭ dołaraŭ na niavyjhryšnuju vajnu, jakuju nikoli nie varta było pačynać, ale vajnu, jakuju jon, biez ZŠA i Trampa, nikoli nie zmoža ŭrehulavać».
Kamientary