Ašukancy vyciahnuli ŭ minčuka bolš za 20 tysiač rubloŭ i paraili jamu «nie sumavać»
42-hadovy minčuk byŭ na suviazi z machlarami kala dvuch tydniaŭ i za hety čas pieraličyŭ bolš za 21 tysiaču rubloŭ.
Jašče ŭ studzieni nieznajomcy pa telefonie paviedamili mužčynu, byccam złačyncy ŭzłamali i vykarystoŭvali jahony mabilny numar, vykrali pašpartnyja danyja i aformili na jahonaje imia kredyt. Kab pahasić doŭh, minčuku paraili aformić pazyku na tuju ž sumu.
Pry hetym realnyja supracoŭniki banka pierapytali, ci nie staŭ mužčyna achviaraj machlaroŭ, adnak jon adkazaŭ admoŭna, dumajučy, što zachoŭvaje tajamnicu śledstva.
Atrymaŭšy kredyt na sumu 16900 rubloŭ, mužčyna pieraličyŭ hrošy na niekalki čužych rachunkaŭ, dumajučy, što viartaje ich u rezierv Nacyjanalnaha banka. Zatym jon pa kamandzie machlaroŭ sfatahrafavaŭ usie svaje aščadžeńni i pakłaŭ ich na rachunki, nazvanyja surazmoŭcami. Minčuka pierakanali, što tolki tak možna zachavać hrošy, kali da jaho ŭ kvateru pryjduć ź pieratrusam.
Atrymaŭšy hrošy, złačyncy sami paviedamili mužčynu, što padmanvali jaho, i paraili «nie sumavać» dy źviarnucca ŭ milicyju.
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?9
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2121
Kamientary