Pradstaŭniki Trampa tajemna ŭhavorvali Zialenskaha viarnucca da pieramovaŭ
Heta adbyvałasia niehałosna i ŭžo paśla svarki, jakaja adbyłasia pamiž prezidentami ŭ Biełym domie 28 lutaha, piša CNN.
Pradstaŭniki prezidenta ZŠA Donalda Trampa praviali tajemnyja pieramovy z prezidentam Ukrainy Uładzimiram Zialenskim i jahonaj kamandaj paśla piatničnaj svarki ŭ Avalnym kabiniecie, kab «viarnuć pieramovy ŭ patrebnaje rečyšča».
Jak paviedamiła CNN sa spasyłkaj na ŭłasnyja krynicy, pradstaŭniki Trampa padkreślili važnaść stabilizacyi adnosin jak maha chutčej i zaklikali adnavić pieramovy da vystupu prezidenta ŭ Kanhresie.
CNN adznačyła, što siarod tych, chto havaryŭ ź Zialenskim, byŭ śpiecpradstaŭnik Trampa pa Ukrainie Kit Kiełah. Adzin z čynoŭnikaŭ Biełaha doma paviedamiŭ CNN, što pahadnieńnie ab zdabyčy ŭkrainskich karysnych vykapniaŭ jašče nie padpisanaje. Adnak pradstaŭnik Biełaha doma zapeŭniŭ, što administracyja Trampa ličyć, što pieramovy pa hetaj uhodzie «ruchajucca ŭ pravilnym kirunku».
Pradstaŭnik kamandy Trampa adznačyŭ, što prezident, jaki padčas pramovy zakranie temu vajny va Ukrainie, choča abviaścić ab pahadnieńni adnosna ŭkrainskich karysnych vykapniaŭ.
Ciapier čytajuć
«Pra sustreču Łuku zaŭsiody prasili pieradać Pucinu». Šuster raskazaŭ, jak Łukašenka prapanoŭvaŭ svaje pasłuhi amierykancam5
Kamientary