Piaskoŭ: Minsk — najlepšy varyjant dla praviadzieńnia pieramovaŭ z Trampam
Minsk hatovy arhanizavać pieramovy Donalda Trampa, Uładzimira Pucina i Uładzimira Zialenskaha. Pra heta Alaksandr Łukašenka zajaviŭ u intervju amierykanskamu błohieru Marya Naŭfału. Pres-sakratar Uładzimira Pucina prakamientavaŭ hetu prapanovu.
Dźmitryj Piaskoŭ zajaviŭ, što mahčymaść praviadzieńnia sustrečy Donalda Trampa i Uładzimira Pucina ŭ Minsku pakul nijak nie abmiarkoŭvałasia.
Pry hetym dla Kramla praviadzieńnie pieramovaŭ u stalicy Biełarusi — heta najlepšy varyjant, piša TASS.
«Hetaje pytańnie nie padymałasia i nijak nie abmiarkoŭvałasia. Ale, kaniešnie, dla nas Minsk — heta najlepšaje miesca. Heta naš hałoŭny sajuźnik. Tamu dla nas heta najlepšaje miesca dla pieramovaŭ», — skazaŭ Piaskoŭ u adkaz na pytańnie, ci mahčymy varyjant z praviadzieńniem pieramovaŭ u Minsku.
Łukašenka ŭ intervju amierykanskamu błohieru Marya Naŭfału zaprasiŭ Trampa, Pucina i prezidenta Ukrainy Uładzimira Zialenskaha ŭ Minsk.
Kamientary
piaskov ,vy nam nie sojuźniki,vy—ubijcy bratskoho słavianskoho naroda,vy—vrahi! I nikak po-druhomu .
Źmieinyj rov ot takich siusiuźničkov.