Bieły dom: Navina pra pazbaŭleńnie ŭkraincaŭ statusu ŭciekačoŭ — fejk
Pres-sakratarka Biełaha doma Keralin Levit 6 sakavika abvierhła paviedamleńnie ahienctva Reuters, u jakim śćviardžałasia, što administracyja prezidenta ZŠA Donalda Trampa maje namier pazbavić časovaha statusu amal 240 tysiač ukrainskich biežancaŭ, piša Deutsche Welle.
«Heta čarhovaja fejkavaja navina ad Reuters, zasnavanaja na ananimnych krynicach, jakija nie majuć nijakaha ŭjaŭleńnia pra toje, pra što jany havorać. Praŭda: takoje rašeńnie pakul nie pryniata», — napisała Levit u sacsietcy X.
Raniej Reuters sa spasyłkaj na svaje krynicy paviedamiła, što administracyja Trampa płanuje admianić časovy status dla ŭkrainskich biežancaŭ užo ŭ krasaviku 2025 hoda, što moža pryvieści da ich paskoranaj departacyi.
Pavodle źviestak ahienctva, płany pazbaŭleńnia ŭkrainskich biežancaŭ lehalnaha statusu źjavilisia jašče da publičnaha kanfliktu pamiž Uładzimiram Zialenskim i Donaldam Trampam.
Krynicy Reuters zajaŭlajuć, što heta častka bolš maštabnaj stratehii novaj administracyi ZŠA, nakiravanaj na pazbaŭleńnie lehalnaha statusu bolš za 1,8 młn mihrantaŭ, jakija prybyli ŭ krainu pa prahramach humanitarnaha prytułku, zapuščanych pry eks-prezidencie Džo Bajdenie.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić4040
Kamientary
a łžiecy okazyvajetsia riejtiers! :))))