Прэс-сакратарка Белага дома Кэралін Левіт 6 сакавіка абвергла паведамленне агенцтва Reuters, у якім сцвярджалася, што адміністрацыя прэзідэнта ЗША Дональда Трампа мае намер пазбавіць часовага статусу амаль 240 тысяч украінскіх бежанцаў, піша Deutsche Welle.
«Гэта чарговая фэйкавая навіна ад Reuters, заснаваная на ананімных крыніцах, якія не маюць ніякага ўяўлення пра тое, пра што яны гавораць. Праўда: такое рашэнне пакуль не прынята», — напісала Левіт у сацсетцы X.
Раней Reuters са спасылкай на свае крыніцы паведаміла, што адміністрацыя Трампа плануе адмяніць часовы статус для ўкраінскіх бежанцаў ужо ў красавіку 2025 года, што можа прывесці да іх паскоранай дэпартацыі.
Паводле звестак агенцтва, планы пазбаўлення ўкраінскіх бежанцаў легальнага статусу з'явіліся яшчэ да публічнага канфлікту паміж Уладзімірам Зяленскім і Дональдам Трампам.
Крыніцы Reuters заяўляюць, што гэта частка больш маштабнай стратэгіі новай адміністрацыі ЗША, накіраванай на пазбаўленне легальнага статусу больш за 1,8 млн мігрантаў, якія прыбылі ў краіну па праграмах гуманітарнага прытулку, запушчаных пры экс-прэзідэнце Джо Байдэне.
Цяпер чытаюць
Скандал у Барысаўскай бальніцы: на пацыента звярнулі ўвагу праз шэсць гадзін, калі ўжо пена пайшла з рота — мужчына памёр7
Скандал у Барысаўскай бальніцы: на пацыента звярнулі ўвагу праз шэсць гадзін, калі ўжо пена пайшла з рота — мужчына памёр
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс1818
Каментары
а лжецы оказывается рейтерс! :))))