Handlary i absmažvalniki kavy paviedamili, što skaracili svaje zakupki syraviny da minimalnaha ŭzroŭniu, pakolki halina pieražyvaje rezki skačok cenaŭ, piša Reuters. Suśvietny handal spyniŭsia.
Udzielniki štohadovaj kanfierencyi Nacyjanalnaj kavavaj asacyjacyi zajavili, što šakavanyja 70-pracentym rostam cen fjučarsaŭ na kavu typu arabika, jakaja źjaŭlajecca etałonam dla ździełak pa ŭsim śviecie.
Rost cen na kavu byŭ vyklikany źnižeńniem vytvorčaści ŭ važnych rehijonach, dzie jana vyroščvajecca, asabliva ŭ Brazilii, što pryviało da źnižeńnia dastupnaści ziernia.
«Zvyčajna da hetaha času ŭ nas užo ŭsio raspradadziena, ale pakul my realizavali mienš za 30% pradukcyi. Značnaje pavyšeńnie cen źjadaje hrašovy patok klijentaŭ, u ich nie chapaje hrošaj na kuplu taho, što im treba», — skazaŭ Renan Šuejry, hienieralny dyrektar ELCAFE C.A. u Ekvadory.
Trejdar syraviny Łui Drejfus zajaviŭ padčas kanfierencyi, što ŭ adkaz na pavieličeńnie cenaŭ vytvorcy pašyrajuć płantacyi, dzie vyroščvajuć kavu.
Płantacyi pavialičyli ŭ Indyi, Uhandzie, Efiopii i Brazilii. Ličycca, što kali Brazilii ŭdasca sabrać choć by adzin bujny ŭradžaj, to heta, u spałučeńni z novymi pasiaŭnymi płoščami, moža pryvieści da padzieńnia cen.
Kamientary