«Drahičynskaje mora»: u horadzie padtapiła miescy, dzie raniej nie prybrali śnieh
Drahičyn paśla adlihi pieratvaryŭsia ŭ «horad na vadzie»: na vulicach raźlilisia patoki. Žychary žartujuć, što zamiest aŭtobusaŭ patrebnyja łodki, piša BGmedia.
Z kanca lutaha pa ŭsioj Biełarusi pačałasia adliha paśla mocnych marazoŭ. Na 27‑28 lutaha ŭ Breście, naprykład, abiacajuć da 8‑10 hradusaŭ ciapła, što adčuvalna palahčaje žyćcio žycharam paśla doŭhich chaładoŭ.
Hetaje paciapleńnie zakranuła i inšyja harady vobłaści, takija jak Drahičyn, dzie miascovyja žychary napoŭnicu adčuli nastupstvy adlihi. Niekatoryja vulicy horada, dzie śnieh nie byŭ dobra ačyščany i vyviezieny, pieratvarylisia ŭ sucelnyja reki, što vyklikała ciažkaści dla piešachodaŭ i aŭtamabilistaŭ.
U tyktoku pačali źjaŭlacca videa i fotazdymki z roznych vulic horada, jakija zrabilisia nieprachodnymi. Asabliva vyłučylisia miescy kala siaredniaj škoły №1, haradskoha stadyjona i pablizu kram, dzie vada zastałasia na niekalki dzion i značna ŭskładniła pieramiaščeńnie.
U kamientarach pad rolikami ludzi nie chavajuć ironii i navat abureńnia, adznačajučy, što pa haradskich vulicach časam lepš było b pierasoŭvacca na łodcy.
«Drahičynskaje mora».
«Ułady pavinny zamiest aŭtobusaŭ łodki padhaniać».
«Adrazu zrazumieła, što viasnu treba sustrakać u botach pa vušy, jak u rybaka».
«Radujciesia, novy akvapark».
«O, tak. Ja siońnia nie mahła prajści kala siaredniaj škoły №1».
Ciapier čytajuć
Dzie pracujuć i jak vyhladajuć žonki top-čynoŭnikaŭ?16
Dzie pracujuć i jak vyhladajuć žonki top-čynoŭnikaŭ?
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1111
Kamientary