«Hihabajty skončylisia, lažyć videa». Biełarusy dzielacca, ci chapaje im mabilnaha internetu paśla abmiežavańniaŭ
Z 23 lutaha ŭ Biełarusi pačali abmiažoŭvać chutkaść internetu na taryfach z bieźlimitnym trafikam. Biełarusy aktyŭna abmiarkoŭvajuć, ci chopić im vydzielenych 30 hihabajtaŭ na miesiac i jak vyhladaje internet na zapavolenaj chutkaści.
Pavodle Minsuviazi, paroh na 30 hihabajtaŭ na miesiac pieravyšajuć tolki 15% karystalnikaŭ mabilnaha internetu.
Karystalnik MTS z Homiela, jaki piša, što ŭ jaho ŭžo skončylisia 30 hihabajtaŭ chutkasnaha internetu, dzielicca nazirańniami: sacsietki hruziacca narmalna, ale videa navat u jakaści 480r lažyć.
«Pahladzieła statystyku, za 30 dzion dzieści 62 HB, tak što hetych 30 u najlepšym vypadku na dva tydni chopić. Ale ciapier i tak chutkaści nijakija, što budzie paśla zakančeńnia hetych 30 hihoŭ, navat nie mahu ŭjavić», — piša žančyna.
«Spaliŭ 30 hihoŭ za 2 dni. Chutkaść žudasnaja na 1Mbicie. Pierajšoŭ na samy tanny taryf na A1 i padklučyŭ pakiet «bieźlimitu» za 19 rubloŭ (ciapier jon na akcyi za 16). Ale chutkaść fihnia ŭsio roŭna. Prasadki šalonyja časam nižej za 1Mbit», — skardzicca jašče adzin mužčyna.
Chtości dzielicca, što za minuły miesiac vykarystaŭ 24 hihabajty, tamu ŭ pryncypie hetaje abmiežavańnie jaho nie zakranaje.
Inšaja dziaŭčyna naohuł piša, što jaje taryf utrymlivaje 10 hihabajtaŭ trafiku i joj hetaha chapaje.
Ale takija aščadnyja nie ŭsie.
Mužčyna piša, što tolki za pałovu dnia ŭ jaho syšoŭ 1 Hb. Inšaja kamientatarka dadaje, što za dzień skarystała 5 hihabajtaŭ.
Jašče adna kamientatarka spažyvaje kala 18‑19 hihabajtaŭ mabilnaha internetu.
Aproč abmiežavańniaŭ na 30 Hb, paśla jakich internet stanie pracavać pavolniej, ludzi aktyŭna abmiarkoŭvajuć sam fakt taho, što jakaść internetu ŭ Biełarusi i biez hetaha pahoršyłasia jašče letaś.
«Viedajecie, u mianie i tak na A1 jon byŭ poŭnaje ha*no, tak što jak byccam nijakaj roźnicy nie adčuvaju», — skardzicca abanientka A1. «Na MTS taksama ha*no», — supakojvaje abanient MTS.
«Łajf. Było žudasna, stała jašče horš», — dadaje treci.
Taksama niekatoryja karystalniki pišuć, što dziela ekanomii pačali doma pryncypova karystacca Wi-Fi i pry hetym zaŭvažajuć, što navat u takim režymie trafik pacichu źnikaje.
Praŭda, adbyvajecca heta nie praz toje, što apieratar u niečym padmanvaje. Tak pracuje funkcyja «Dapamoha Wi-Fi», jakaja padklučaje mabilny internet, kali Wi-Fi pačynaje drenna pracavać.
Šukajuć i inšyja łajfchaki, jak źmienšyć spažyvańnie mabilnaha internetu.
Ciapier čytajuć
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»13
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary
Kab rychtavaliś da vajny - prosta b adklučyli interniet jak u 2020 i ŭsio ;)