Premjer-ministr Vienhryi Viktar Orban u sacsietcy Ch apublikavaŭ adkryty list prezidentu Ukrainy Uładzimiru Zialenskamu. Orban prosić spynić antyvienhierskija dziejańni.
«Spadar Prezident,
Na praciahu čatyroch hadoŭ vy byli nie ŭ stanie pryniać pazicyju suvierennaha vienhierskaha ŭrada i vienhierskaha naroda adnosna rasijska-ŭkrainskaj vajny.
Na praciahu čatyroch hadoŭ vy pracavali nad tym, kab prymusić Vienhryju ŭstupić u vajnu pamiž vašaj krainaj i Rasijaj. Za hety čas vy atrymali padtrymku z boku Brusiela i zaručylisia padtrymkaj vienhierskaj apazicyi.
My taksama bačym, što vy, Brusiel i vienhierskaja apazicyja kaardynujecie namahańni, kab pryvieści da ŭłady ŭ Vienhryi praŭkrainski ŭrad», — piša Orban.
Jon kaža, što spynieńnie naftapravoda «Družba», jaki maje vyrašalnaje značeńnie dla enierhazabieśpiačeńnia Vienhryi, stavić pad pahrozu enierhazabieśpiačeńnie vienhierskich siemjaŭ.
«Tamu ja zaklikaju vas źmianić svaju antyvienhierskuju palityku!
My, vienhierski narod, nie niasiom adkaznaści za situacyju, u jakoj apynułasia Ukraina. My spačuvajem ukrainskamu narodu, ale nie žadajem udzielničać u vajnie. My nie chočam finansavać vajennyja namahańni i nie chočam płacić bolš za enierhanośbity», — piša Orban.
Jon zaklikaŭ nieadkładna adnavić pracu naftapravoda.
«Bolš pavahi da Vienhryi!» — skončyŭ Orban adkryty list.
Pamiž Ukrainaj i Vienhryjaj znoŭ abvastryŭsia palityčny kryzis na fonie situacyi z naftapravodam «Družba», pa jakim Maskva naniesła ŭdar. Ukraina zajaviła, što trubapravod paškodžany, patrebny ramont i pravierka biaśpieki, tamu tranzit całkam prypynieny.
-
Jemienskija chusity zachapili stratehičnyja astravy Bab-el-Mandebskaha praliva. Adzin z najbujniejšych handlovych šlachoŭ faktyčna apynuŭsia pad kantrolem bajevikoŭ
-
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki
-
Kiraŭniki Šatłandyi, Uelsa i Paŭnočnaj Irłandyi abjadnoŭvajucca dla vychadu sa składu Vialikabrytanii
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks19
Viktar Łukašenka zaśviaciŭ na pasiadžeńni NAK svoj hadzińnik — ciažki luks
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary
[Zredahavana]
Zdajecca skinuć jaho. Nadta ŭpopierak šahaje.