«Ich taktyka jość i budzie — chłusić i vinavacić». Va Ukrainie adreahavali na zajavu Pucina adnosna 30-dzionaha pieramirja
U Radzie nacyjanalnaj biaśpieki i abarony Ukrainy prakamientavali zajavy Pucina adnosna pierśpiektyŭ pieramirja z Ukrainaj, skazanyja na pres-kanfierencyi paśla sustrečy z Alaksandram Łukašenkam 13 sakavika.
«Važna razumieć, što infarmacyjnaja stratehija Rasii budzie nakiravanaja ŭ lubym vypadku na toje, kab vinavacić Ukrainu ŭ ich ža parušeńniach, vyłučać dziŭnyja patrabavańni i zrabić usio hetak ža, jak było padčas Minska. Heta ich taktyka jość i budzie — chłusić i vinavacić», — zajaviŭ kiraŭnik Centra supraćdziejańnia dezynfarmacyi pry RNBA Andrej Kavalenka.
Pry hetym jašče napiaredadni daradca Pucina Juryj Ušakoŭ zajaviŭ, što Rasija nie zacikaŭlenaja ŭ časovym spynieńni ahniu. Pavodle jaho słoŭ, Maskva ličyć takoje pieramirje nibyta «časovaj pieradyškaj» dla ŭkrainskich vajskoŭcaŭ. Andrej Kavalenka nazvaŭ hetyja słovy manipulacyjaj.
Kamientary