Łukašenka: U amierykancaŭ niama nijakaha płana, jany prosta zandujuć hlebu
Łukašenka pierad sustrečaj z Pucinym u Maskvie prakamientavaŭ prapanovu ab pieramirji va Ukrainie ad ZŠA, jakoje raźličana na 30 dzion.
«Nie, heta nie chitryk i nie budzie chitrykam. Kab heta nie vyhladała jak chitryk, treba, kab z druhoha boku ŭsio było narmalna arhanizavana», — skazaŭ jon.
«Heta absalutna dakładna: u amierykancaŭ niama nijakaha płana, jany prosta zandujuć hlebu», — adznačyŭ Alaksandr Łukašenka.
«Ukraina, chutčej za ŭsio nie pahodzicca na pieramirje, — dadaŭ jon i sprahnazavaŭ, — Kurskaja vobłaść budzie vyzvalenaja za niekalki dzion».
Łukašenka skazaŭ, što «raić nie iści na ŭłoŭki Donalda, tamu što jon u hetych adnosinach vaš čałaviek [źviartaŭsia Łukašenka da rasijskich prapahandystaŭ — NN], jon miedyjny, jon moža ranicaj adnu zajavu rabić, viečaram — druhuju. I lohka ŭvieści nas i vas u zman».
Bolš za ŭsio Łukašenka chvalujecca za ekanomiku, skazaŭ jon. «Ale z ekanomikaj my raźbiaromsia. U nas jość usio, kab narmalna žyć. Bahata nie budziem hety čas žyć, ale narmalna budziem žyć».
Pry hetym padčas karotkaha padychodu da presy pierad sustrečaj Łukašenka znoŭ havaryŭ z mocnaj zadyškaj — jak i zaŭsiody ciapier, kali havoryć stojačy.
Uładzimir Pucin na sustrečy adznačyŭ, što adnosiny pamiž Rasijaj i Biełaruśsiu źjaŭlajucca bratnimi ŭ pramym sensie słova i mohuć być prykładam dla inšych krain.
Taksama jon skazaŭ, što čakaje Łukašenku 9 maja na śviatkavańni Dnia Pieramohi ŭ Maskvie. A da hetaha Łukašenka voźmie ŭdzieł u forumie ŭ Vałhahradzie, dzie taksama buduć prysutničać inšyja kiraŭniki dziaržaŭ.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB45
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary
On opozdał, Ušakov opieriedił.
[Zredahavana]