U Niepale vajskoŭcy častkova ŭziali pad kantrol Katmandu, kab praduchilić novyja biesparadki
Sałdaty armii Niepała ŭvajšli ŭ stalicu viečaram aŭtorka, dzieviataha vieraśnia, na fonie masavaha rostu vypadkaŭ rabavańniaŭ, vandalizmu i padpałaŭ, paviedamlaje miascovaje vydańnie Khabarhub.
Vajskoŭcy patrulujuć spustošanyja vulicy Katmandu i ŭziali pad vartu budynak parłamienta, piša Reuters. Pavodle danych Ministerstva achovy zdaroŭja Niepała, padčas pratestaŭ zahinuli 25 čałaviek, kolkaść paranienych pieravysiła 600 čałaviek. Vajskovyja kiraŭniki sprabujuć arhanizavać pieramovy pamiž lidarami pratestaŭ i ŭładaj.
Raniej niepalskija vajskoŭcy adkryli ahoń pa źniavolenych, jakija sprabavali źbiehčy na fonie vuličnych pratestaŭ. Zahinuŭ adzin aryštavany, jašče niekalki čałaviek byli paranienyja. Khabarhub adznačaje, što sproby ŭciokaŭ zafiksavanyja ŭ turmach pa ŭsioj krainie.
Na minułym tydni ŭłady Niepała zabłakavali 26 sacsietak, płatformaŭ i inšych servisaŭ, u tym liku papularnyja ŭ krainie Facebook, Instagram, WhatsApp, YouTube, X i Reddit, z-za taho, što kampanii nie padali zajaŭki na rehistracyju. Dla padačy zajaŭ byŭ vydzieleny siamidzionny termin, jaki skončyŭsia 3 vieraśnia. Urad Niepała śćviardžaŭ, što takim čynam zmahajecca z machlarstvam i raspaŭsiudžvańniem «fejkaŭ» i falšyvych akaŭntaŭ.
5 vieraśnia pačali pieršyja pratesty, a ŭ paniadziełak, 8 vieraśnia, jany stali masavymi.
Užo 9 vieraśnia ŭrad Niepała admianiŭ rašeńnie ab błakiroŭcy sacsietak, ale pratesty nie spynilisia. Demanstranty znoŭ vyjšli na vulicy stalicy, niahledziačy na kamiendanckuju hadzinu ŭ centry horada. Jany padpalili budynak parłamienta Niepała, raźnieśli rezidencyi premjer-ministra i prezidenta. U vyniku premjer-ministr Niepała Šarma Oli padaŭ u adstaŭku. U svajoj zajavie jon skazaŭ, što takim čynam choča «spryjać vyrašeńniu prablemy i dapamahčy jaje ŭrehulavać palityčnym šlacham». Premjera i astatnich ministraŭ evakujavali ź ich rezidencyj na viertalotach.
Mižnarodny aeraport u stalicy Niepała Katmandu zakryli, na jaho terytoryi raźmiaścili bolš za 300 vajskoŭcaŭ. Pavodle infarmacyi India Today, mienavita tudy dla evakuacyi dastavili niepalskich ministraŭ.
— Zaraz tut [u Niepale] sapraŭdny chaos, — tak apisaŭ atmaśfieru ŭ krainie žurnalist-rasśledavalnik ź Niepała na ŭmovach ananimnaści.
Bolšaść pratestoŭcaŭ — zumiery, paćvierdziŭ jon. Adnak, pavodle słoŭ surazmoŭcy siońnia da ich dałučylisia pradstaŭniki i inšych pakaleńniaŭ.
U Niepale ludzi masava vyjšli pratestavać suprać zabarony sacsietak, palicyja rasstralała demanstracyju
U Niepale admianili zabaronu na sacsietki paśla masavych pratestaŭ zumieraŭ, u chodzie jakich zahinuli 19 čałaviek
Premjer-ministr Niepała padaŭ u adstaŭku
Pratestoŭcy ŭ Katmandu padpalili rezidencyju prezidenta i premjera
Pratestoŭcy-zumiery ŭ Niepale zajavili, što kraina pierajšła pad ich poŭny kantrol
U Niepale žonku adnaho eks-premjera pabili razam z mužam, a žonku druhoha spalili žyŭcom
Ciapier čytajuć
Rasijskija i łukašenkaŭskija śpiecsłužby na fonie zalotu dronaŭ u Polšču praviali infaataku. Jaje zładžanaść daje padstavy dumać, što zalot byŭ spłanavany1616
Kamientary