«Pryjdu ŭ hości, vypju vina ci schadžu z taboj u bar». Hrodzienka ŭ sacsietkach prapanavała stać «siabroŭkaj na hadzinu»
Hrodzienka ŭ Threads dała niezvyčajnuju abjavu — jana moža pabyć «siabroŭkaj na hadzinu». «Pryjdu ŭ hości, vypju vina ci schadžu z taboj u bar», — napisała ci to žartam, ci to ŭsurjoz žycharka horada. Paviedamleńnie chutka sabrała šmatlikija kamientaryi, piša Hrodna.life.
Kamientatary na abjavu aktyŭna adhuknulisia. «Nu ničoha sabie pasłuhi, biaru», — napisaŭ adzin z karystalnikaŭ. Aŭtarka pasta prapanavała pierajści dla znosin u telehram.
Toj ža samy kamientatar udakładniŭ, ci jość uzrostavyja abmiežavańni.
«A čamu mohuć być abmiežavańni pa ŭzroście? Kali vy ŭ adekvatnym stanie i nie ŭ demiencyi ci Alchiejmiera — nie baču prablemy. Kali vy padletak — tym bolš, im takija, jak ja, jašče bolš patrebnyja. Prosta vykraślim vino», — adkazała dziaŭčyna.
«Heta vielmi dobry biznes, žadaju vam dobrych i ŭdziačnych klijentaŭ, a vam enierhii i pazityvu. Nie kožny siońnia hatovy dzialicca takim važnym resursam, navat za hrošy», — napisała adna z karystalnic.
Niechta vykazaŭ mierkavańnie, što takim čynam hrodzienka rekłamuje pasłuhi eskortu. Na što aŭtarka rezka adkazała i patłumačyła: «Naohuł, absalutna nichto nie abaviazany być ciarpiłam dla bydła, heta dva. Tak što, kali adčuvajecie, što chočacca skazać hadaść, nie varta ździŭlacca, kali adkaz budzie adpaviednym».
Mnohija pytalisia pra košt, taryfy, miescaznachodžańnie «siabroŭki na hadzinu», a taksama ci jość pasłuha z vyjezdam u inšyja harady (aŭtarka pryznavałasia, što tak daloka jana nie zazirała). Niekatoryja karystalniki kazali, što znachodziacca ŭ pošuku novych znajomstvaŭ.
Šmat chto pisaŭ, što «paŭžyćcia za dziakuj heta ž rabili» i što pasłuha «siabroŭka na hadzinu» — dobraja i pierśpiektyŭnaja ideja.
«Siabar na hadzinu» — heta čałaviek, jakoha možna naniać dla znosin i sumiesnaha baŭleńnia času biez ramantyčnaha padtekstu. Taki «siabar» moža prosta padtrymlivać pierapisku, abmiarkoŭvać temy, jakija chvalujuć, ci skłaści kampaniju ŭ kino, restaranie, spartzale i navat u pajezdcy. Niekatoryja robiać heta za hrošy, inšyja — biaspłatna, dziela zadavalnieńnia ad znosin.
Ideja pasłuhi ŭźnikła ŭ Paŭdniovaj Karei jašče ŭ 1900-ch hadach, kali tam źjaviłasia mahčymaść «arandavać» haściej na viasielle. U 2006 hodzie ŭ Japonii zapracavała ahienctva Hagemashi-tai, dzie možna było naniać akcioraŭ dla roli svajakoŭ. Naprykład, samotnaja maci mahła zaprasić mužčynu, jaki b ihraŭ rolu baćki jaje dziciaci na školnych mierapryjemstvach, a pažyłaja žančyna — naniać «unuka» dla prahułak pa kramach.
Siońnia ŭ Japonii dziejničaje kampanija Family Romance, dzie prapanujuć pasłuhi surazmoŭcaŭ i spadarožnikaŭ. U ZŠA z 2009 hoda pracuje servis Rent a Friend («Aranduj siabra»), jaki taksama złučaje ludziej dla siabroŭskich znosin.
Novyja padychody ŭ azielanieńni? Minčuki burna abmiarkoŭvajuć kłumby kala minskaj «Halerei»
«Znajšli tolki adzin pačak — vypadkova». Z prodažu źnikła papularnaja dziciačaja hipaalerhiennaja sumieś
«Adnu mianie pryvodzić u šalenstva, što za miažoj ja vyklučna IrYna?» Biełaruska aburajecca tranśliteracyjaj u pašparcie ź biełaruskaj movy
«Sdiełano v Biełoruśsii». Sacsietki ŭzbudzilisia ad syru zahadkavaha pachodžańnia
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali26
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłotu ŭ Kranštacie4141
Kamientary