Rasijskija i łukašenkaŭskija śpiecsłužby na fonie zalotu dronaŭ u Polšču praviali infaataku. Jaje zładžanaść daje padstavy dumać, što zalot byŭ spłanavany
Ministr ličbavaj transfarmacyi Polščy, vice-premjer Kšyštaf Haŭkoŭski zajaviŭ, što śpiecsłužby Rasii i Biełarusi praviali arhanizavanuju infarmacyjnuju ataku ŭ sacsietkach na fonie incydentu z rasijskimi bieśpiłotnikami, jakija parušyli pavietranuju prastoru krainy.
Pavodle słoŭ polskaha čynoŭnika, padazronaja aktyŭnaść u internecie pačałasia jašče da taho, jak apošnija drony pierasiakli miažu z Polščaj.
Kibieratak, niepasredna źviazanych ź incydentam, u Polščy nie zafiksavana, ale centr kibierbiaśpieki adznačyŭ značny rost dezynfarmacyjnych paviedamleńniaŭ. Šmatlikija akaŭnty, jakija daŭno nie vykarystoŭvalisia, raptam aktyvizavalisia i pačali raspaŭsiudžvać rasijskija naratyvy adnosna metaŭ i pryčyn źjaŭleńnia bieśpiłotnikaŭ.
Haŭkoŭski padkreśliŭ, što sam fakt nakiravańnia dronaŭ u Polšču śviedčyć pra spłanavanuju ataku z boku Rasii. Jon zajaviŭ, što heta bačna nie tolki z raźviedvalnych danych, ale i pa elektronnych srodkach manitorynhu, jakija vykarystoŭvalisia padčas incydentu.
Ministr taksama nazvaŭ hałoŭnyja prykłady dezynfarmacyi i ich abvierhnuŭ:
- niapraŭda, što Ukraina ŭciahvaje Polšču ŭ vajnu;
- niapraŭda, što polskija vojski nie byli hatovyja da adbićcia ataki.
Jon padkreśliŭ, što vojski dziejničali zładžana ź pieršych chvilin, a apošnija bieśpiłotniki ŭvajšli ŭ Polšču paśla šostaj ranicy.
«Rasija nakiravała hetyja bieśpiłotniki ŭ Polšču. Rasija niasie za ich adkaznaść. Rasijskaja Fiederacyja ździejśniła ataku na Polšču. Lubaja inšaja infarmacyja ŭ sacyjalnych sietkach, a taksama kali jana raspaŭsiudžvajecca roznymi ŚMI, źjaŭlajecca chłuślivaj», — skazaŭ Haŭkoŭski, zaklikaŭšy hramadstva i ŚMI nie paddavacca na fejki.
Pavodle jaho, vyniki polskaha analizu ŭžo pieradadzienyja ŭ administracyi sacsietak, i Varšava čakaje ad hetych kampanij reakcyi.
Što da zajavaŭ biełaruskaha Hienštaba, jaki paviedamiŭ, što papiaredziŭ Polšču pra nabližeńnie dronaŭ, Haŭkoŭski zajaviŭ: heta nielha ličyć sapraŭdnym papiaredžańniem:
«Usio roŭna, chto jakuju infarmacyju padaje. Tamu što papiaredžańni ab tym, što nieapaznanyja latalnyja aparaty pralatajuć praz peŭnuju terytoryju, rychtujučysia nanieści ŭdar pa Polščy, — heta zusim nie papiaredžańni».
Jon adznačyŭ, što ŭpieršyniu ŭ historyi bieśpiłotniki pralacieli ŭ bok Polščy praź Biełaruś — raniej takija vypadki zdaralisia tolki z boku Ukrainy i mieli vypadkovy charaktar. A toje, što adbyłosia ciapier — nie supadzieńnie.
U Rasii admaŭlajuć, što zapuskali drony pa Polščy
Viktar Orban vykazaŭ salidarnaść z Polščaj u suviazi z atakaj dronaŭ
Polskija vajskoŭcy paćvierdzili, što abmieńvalisia ź Biełaruśsiu infarmacyjaj ab rasijskich dronach
Tusk: Značnaja častka rasijskich dronaŭ prylacieła ŭ Polšču ź Biełarusi
U Polšču zalacieli bolš za dva dziasiatki rasijskich dronaŭ, a nie 10
Biełaruś i Polšča siońnia ŭnačy abmieńvalisia infarmacyjaj pra rasijskija bieśpiłotniki — hienštab Biełarusi
Ciapier čytajuć
U Minsku adbylisia masavyja zatrymańni vydaŭcoŭ i kniharaspaŭsiudnikaŭ32
Kamientary
Vielmi nahadvaje niekatorych tutejšych - maŭlaŭ, ni ŭ jakim razie nia treba złavać Maskvu, iści na ŭsie sastupki i dačakacca pakul režym sam skončycca. Ale.