Incydent adbyŭsia ŭ nasielenym punkcie Vyryki, jaki znachodzicca prykładna za 15 km ad miažy ź Biełaruśsiu. U vyniku padzieńnia bieśpiłotnika nichto nie paciarpieŭ, ale paškodžany dach budynka, piša Reform.news.
«U dach udaryŭ snarad, dron, pakul dakładna nie viedajem, heta rasśledujuć słužby. Hałoŭnaje, što nikomu ničoha nie zdaryłasia. Palicyja i pažarnyja zabiaśpiečvajuć biaśpieku na miescy zdareńnia, a my arhanizujem kryzisnuju hrupu, jakaja zmoža dapamahčy žycharam. My abaviazkova akažam siamji ŭsiu mahčymuju dapamohu ŭ ramoncie dachu. Budzie stvoranaja kamisija dla acenki škody», — raspavioŭ u efiry TVP Info burmistr Vyrykaŭ Biernard Błaščuk.
U momant padzieńnia abjekta ŭ domie znachodzilisia ludzi. Im była akazana psichałahičnaja dapamoha.
Jak raniej paviedamlała Apieracyjnaje kamandavańnie vidaŭ Uzbrojenych sił Polščy, bolš za 10 bieśpiłotnikaŭ parušyli pavietranuju prastoru krainy. Častka ź ich była źbita. Viaducca pošuki abłomkaŭ i samich dronaŭ. Adzin paškodžany bieśpiłotnik znojdzieny pad Biała-Padlaskaj, taksama pobač ź biełaruskaj miažoj.
Rasija naniesła masiravany ŭdar rakietami i dronami pa Ukrainie. Polšča zakryvała aeraporty Varšavy i Lublina z-za šachiedaŭ
Pavietranuju prastoru Polščy parušyli šmatlikija bieśpiłotniki. Zakryvalisia aeradromy, drony źbivała avijacyja NATA
Polšča źbiraje ekstrannuju radu biaśpieki
Polskaja palicyja znajšła paškodžany dron pad Biała-Padlaskaj
«Heta akt vajny»: kanhresmien ZŠA zajaviŭ, što Rasija atakavała NATA
Ciapier čytajuć
Sotni kačak zapałanili raku ŭ Mahilovie. U vyraj nie adlacieli, bo zanadta sytna žyviecca pobač z čałaviekam1
Kamientary