Pamiž Karłsanam i «Čornym lusterkam»: vychodzić novy biełaruski detektyŭ dla dziaciej

Historyi napisańnia knihi «Chto ty, dron?» možna było b pryśviacić asobnaje vydańnie. Pracu nad svaim pieršym tvoram Hanna pačała daŭno — jašče tady, kali jaje 21-hadovy syn byŭ maleńkim. Tady žurnalistka vyrašyła ažyćciavić svaju dziciačuju maru i napisać praciah pryhod ulublonaha knižnaha piersanaža — Karłsana.

— Ja napisała historyju pra toje, jak chłopčyk ź Biełarusi pajechaŭ u Šviecyju, kab adšukać Karłsana i pasiabravać ź im. Znajšła vydaviectva — i my vydali elektronnuju viersiju knihi.

U druhoj častcy ŭžo Karłsan prylataŭ u Biełaruś i šukaŭ skarby.

— Ale potym mnie paraili źviarnucca da naščadkaŭ Astryd Lindhren, bo ŭsio ž taki aŭtarskija pravy — surjoznaja reč. I jany skazali davoli vidavočnuju reč: Astryd Lindhren nie chacieła b, kab jaje hierojaŭ vykarystoŭvali inšyja ludzi. Dazvolili karystacca majoj knihaj, ale vyklučna dla chatniaha čytańnia.

Tamu tyja knihi Hanny šyroki śviet tak i nie pabačyŭ — choć jany i zastalisia na knižnaj palicy jaje syna. Minali hady, ale ideja vydać knihu nie adpuskała. Tak u centry ŭvahi zamiest Karłsana apynuŭsia dron Andron.

Pavialičyć

Hanna žartuje, što, kab zrabić historyju bolš cikavaj dla sučasnych padletkaŭ, jana natchniałasia ŭ tym liku sieryjałam «Čornaje lusterka».

— Novaja historyja atrymałasia zusim inšaja, ale ž Karłsan natchniŭ. Pracavała ja nad joj u 2019—2020 hadach, ale pieršapačatkova heta była nie knižka, a scenar dla filma. Bo tady mnie chaciełasia zasvoić scenarnaje majsterstva, i ja z dapamohaj daśviedčanych scenarystaŭ rabiła hetuju sprobu.

Da pracy nad tekstam Hanna viarnułasia ŭžo paśla emihracyi ŭ Polšču. Mienavita tady źjaviłasia žadańnie pieratvaryć scenar u biełaruskamoŭny dziciačy detektyŭ z elemientami fantastyki.

— Siužet taki: u žyćci dziaŭčynki, jakaja žyvie ŭ maleńkim horadzie la zapaviednika, pačali adbyvacca dziŭnyja rečy. Spačatku tajemnym čynam źnik jaje tata, a potym źjaviŭsia novy siabar — dron. Razam jany pačynajuć rasśledavać detektyŭnuju historyju…

Padziei knihi adbyvajucca ŭ 2028 hodzie ŭ abstraktnym horadzie, ale pratatypam jaho možna nazvać Brasłaŭ. Paznać taksama možna voziera Dryviaty.

Pavialičyć

Kažuć, što pisać dla padletkaŭ bolš składana, čym dla darosłych. Ale Hanna z hetym nie pahadžajecca.

— Ja abrała formu dziońnika dziaŭčynki, dzie jana dzielicca svaimi dumkami — i pisać tak mnie było davoli lohka. Davoli staranna pracavała z movaj, bo mnie chaciełasia, kab skazy byli vielmi hłybokimi, nasyčanymi.

Letaś Hanna Kručkova z tvoram «Chto ty, dron?» pieramahła ŭ konkursie rukapisaŭ na biełaruskaj movie «Šufladka» ŭ naminacyi «Dziciačaja i padletkavaja kniha».

Pavialičyć

Jak maci, jana razvažaje nad tym, jak zaachvocić sučasnych školnikaŭ čytać i bačyć dalej za ŭłasny hadžet.

— Mnie zdajecca, čytać — heta zvyčka. Kali takuju zvyčku dziciaci pryvić ź dziacinstva, jano budzie čytać. Nielha paraŭnać knihu dy tyktok. Kali ty čytaješ knihu, to traplaješ zusim u inšaje vymiareńnie. Nie ŭsie ž dzieci vizuały i mohuć realizavać svaje patreby praź filmy i hulni. Kamuści sapraŭdy padabajecca pahružacca ŭ śviet litar — važna tolki navučyć hetamu. Nabyvać pryhožyja drukavanyja knižki, čytać razam, abmiarkoŭvać — praz heta i źjaŭlajecca luboŭ dla čytańnia.

Hanna kaža, što svajmu synu (ciapier jamu ŭžo 21 hod) prapanoŭvała taksama zapisvać svaje dumki, niešta prydumlać.

— Zvyčajna ŭ niadzielu jon siadaŭ i pisaŭ svaje dziciačyja knižki. My ich navat vydavali dla jaho, rabili prościeńkija ilustracyi. Spadziajusia, pieradadzim naščadkam takuju siamiejnuju biblijateku.

Knihu ŭžo možna nabyć praz sajt vydaviectva. Z pramakodam nashaniva — źnižka 10%. Apovieść budzie cikavaja dzieciam 9-12 hadoŭ, jakija lubiać pryhody i cikaviacca technałohijami.

Pavialičyć

• 6
• 0
• 0
• 1
• 0
• 0
• 0
• 0