Prezident ZŠA Donald Tramp zajaviŭ, što spynieńnie vajskovaj dapamohi Ukrainie nie abmiarkoŭvałasia padčas jaho razmovy z rasijskim prezidentam Uładzimiram Pucinym, piša Bi-bi-si.
Pucin pahadziŭsia časova spynić ataki na ŭkrainskija enierhietyčnyja abjekty, ale admoviŭsia zaćvierdzić poŭnaje 30-dzionnaje spynieńnie ahniu, jakoje, na dumku Trampa, pavinna stać pieršym krokam da zaklučeńnia doŭhaterminovaha mirnaha pahadnieńnia.
Jak paviedamili ŭ Kramli, Pucin padčas razmovy zajaviŭ, što «klučavoj umovaj dla niedapuščeńnia eskałacyi kanfliktu i pracy ŭ napramku jaho vyrašeńnia […] pavinna stać poŭnaje spynieńnie zamiežnaj vajskovaj dapamohi i pradastaŭleńnia raźviedvalnaj infarmacyi Kijevu».
«U nas była vydatnaja razmova, jana doŭžyłasia amal dźvie hadziny. My havaryli pra mnohija rečy. […] My havaryli pra mnohaje, ale dapamohu nie abmiarkoŭvali», — skazaŭ Tramp u intervju Fox News, adkazvajučy na adpaviednaje pytańnie viadučaj.
Pieramovy ab spynieńni ahniu z udziełam ukrainskich aficyjnych asob praciahnucca ŭ niadzielu ŭ horadzie Džyda ŭ Saudaŭskaj Aravii, zajaviŭ śpiecpasłańnik prezidenta ZŠA Donalda Trampa pa Blizkim Uschodzie Styŭ Uitkaf.
U intervju telekanału Fox News jon paviedamiŭ, što z amierykanskaha boku ŭ Džydu znoŭ adpraviacca dziaržsakratar Marka Rubia i daradca Trampa pa nacyjanalnaj biaśpiecy Majk Uołc, ale nie ŭdakładniŭ, chto prymie ŭdzieł u kansultacyjach z ukrainskaha boku.
Adkazvajučy na pytańnie ab spynieńni abstrełaŭ enierhietyčnaj infrastruktury i celaŭ u akvatoryi Čornaha mora, Uitkaf skazaŭ: «Ja dumaju, što abodva hetyja pytańni ŭžo ŭzhodnienyja z rasijanami. Ja, viadoma, spadziajusia, što ŭkraincy pahodziacca na heta».
Jon taksama adznačyŭ, što prapanavanaje ZŠA 30-dzionnaje spynieńnie ahniu pavinna datyčycca «enierhietyki i infrastruktury ŭ cełym».
U Kramli raniej paviedamili, što pa vynikach pieramoŭ z Donaldam Trampam rasijski prezident Uładzimir Pucin zahadaŭ vajskoŭcam prypynić naniasieńnie ŭdaraŭ pa ŭkrainskich enierhietyčnych abjektach na 30 dzion.
Pry hetym ukrainski bok paviedamiŭ pra škvał udaraŭ pa hramadzianskaj infrastruktury praź niekalki hadzin paśla razmovy dvuch lidaraŭ.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj19
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary
Ad škody jakuju nanosić Amierycy Tramp za hałavu i serca na tym śviecie ŭziaŭsia Ruźvielt, Trumien, Ejzienchaŭer, Niksan, Rejhan dy i toj ža Vašynhton i Linkaln.