Ministr finansaŭ Juryj Sielivierstaŭ zajaviŭ, što biudžet minułaha hoda vykanany zbałansavana, piša «Sputnik».
«Vy viedajecie, u nas byŭ deficyt biudžetu, tamu zaraz my farmirujem apošnija danyja da spravazdačy biudžetu. Ale možna skazać, što ŭ pryncypie deficytu ŭ nas nie budzie. My zbałansavanyja», — skazaŭ Sielivierstaŭ.
Pavodle jaho słoŭ, kali zychodzić ź pieršaj pałovy hoda, to asnoŭny akcent robicca na ahrapramysłovy kompleks. Napieradzie pasiaŭnaja, da jakoj treba rychtavacca zahadzia, tamu pryjarytet nadajecca tamu, što nieabchodna APK. Płanavańnie płaciažoŭ adbyvajecca raŭnamierna, kab usie atrymlivali nieabchodnyja resursy.
«Pakul za dva miesiacy, jakija prajšli, u nas deficytu biudžetu nie było», — dadaŭ Sielivierstaŭ.
Jon udakładniŭ, što ŭ minułym hodzie ekanomika spracavała, jak płanavałasia, pastupili dachody: prybytak, mytnyja pošliny ŭ suviazi z ekspartam tavaraŭ, u tym liku kaliju. Usie hetyja pastupleńni adbylisia, jak i płanavałasia, navat z peŭnym plusam.
«Tamu ŭ dadzienym vypadku toje, što my mierkavali, zychodziačy z bolš kansiervatyŭnych scenaryjaŭ, što nam daviadziecca pakryvać deficyt za košt reštkaŭ, nam nie spatrebiłasia», — dadaŭ ministr.
U respublikanski biudžet na 2025 hod zakładzieny deficyt prykładna ŭ 4,46 młrd rubloŭ. Heta nie aznačaje, što pa vynikach hoda budzie mienavita takoje pieravyšeńnie vydatkaŭ nad dachodami. Jaho moža ci nie być zusim, ci suma deficytu akažacca niaznačnaj.
Ciapier čytajuć
«Dyk dadomu zabiary ałkaša abascanaha i vychodžvaj». Małady zahadčyk adździaleńnia balnicy nie strymlivaje siabie ŭ vyrazach u sacsietkach25
Kamientary
Otstańtie ot ludiej!
Mientov i rabotnikov ministierstva socialnoj zaŝity otprav́tie v kołchoz ubirať kamni s polej, dla posadki urožaja. Bolšie polzy budiet ot etoj "soczaŝity", čiem ot jejo imitacii burnoj diejatielnosti "po trudoustrojstvu tuniejadciev".