Міністр фінансаў Юрый Селіверстаў заявіў, што бюджэт мінулага года выкананы збалансавана, піша «Спутнік».
«Вы ведаеце, у нас быў дэфіцыт бюджэту, таму зараз мы фарміруем апошнія даныя да справаздачы бюджэту. Але можна сказаць, што ў прынцыпе дэфіцыту ў нас не будзе. Мы збалансаваныя», — сказаў Селіверстаў.
Паводле яго слоў, калі зыходзіць з першай паловы года, то асноўны акцэнт робіцца на аграпрамысловы комплекс. Наперадзе пасяўная, да якой трэба рыхтавацца загадзя, таму прыярытэт надаецца таму, што неабходна АПК. Планаванне плацяжоў адбываецца раўнамерна, каб усе атрымлівалі неабходныя рэсурсы.
«Пакуль за два месяцы, якія прайшлі, у нас дэфіцыту бюджэту не было», — дадаў Селіверстаў.
Ён удакладніў, што ў мінулым годзе эканоміка спрацавала, як планавалася, паступілі даходы: прыбытак, мытныя пошліны ў сувязі з экспартам тавараў, у тым ліку калію. Усе гэтыя паступленні адбыліся, як і планавалася, нават з пэўным плюсам.
«Таму ў дадзеным выпадку тое, што мы меркавалі, зыходзячы з больш кансерватыўных сцэнарыяў, што нам давядзецца пакрываць дэфіцыт за кошт рэшткаў, нам не спатрэбілася», — дадаў міністр.
У рэспубліканскі бюджэт на 2025 год закладзены дэфіцыт прыкладна ў 4,46 млрд рублёў. Гэта не азначае, што па выніках года будзе менавіта такое перавышэнне выдаткаў над даходамі. Яго можа ці не быць зусім, ці сума дэфіцыту акажацца нязначнай.
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары
Отстаньте от людей!
Ментов и работников министерства социальной защиты отправьте в колхоз убирать камни с полей, для посадки урожая. Больше пользы будет от этой "соцзащиты", чем от её имитации бурной деятельности "по трудоустройству тунеядцев".