Z Čyrvonaha kaścioła ŭ Minsku ŭžo niekalki dzion vyvoziać rečy
Patrabujecca vyzvalić pamiaškańni całkam ad usiaho, zabrać treba navat abrazy i arhany.
Uvieś tydzień, ad paniadziełka 17 sakavika, praciahvajecca vyvaz z zakrytaha Čyrvonaha kaścioła ŭ Minsku majomaści parafii śviatoha Symona i śviatoj Aleny. Vyzvaleńnie budynku ad usich rečaŭ było ŭmovaj uładaŭ dla pačatku ramontu śviatyni, piša katolik.life.
Ad parafii zapatrabavali vyvieźci całkam usie rečy, navat samyja hruvastkija — heta i łavy, i arhany, i niekalki fartepijana, i vialikija abrazy, i biblijateku, i kopiju Turynskaj płaščanicy.
Jak stała viadoma viernikam, transparciroŭkaj zajmajecca sama parafija, majomaść raźmiarkoŭvajuć pa inšych kaściołach, u tym liku ŭ Minskim rajonie, biblijateka advieziena ŭ Chryścijanski sacyjalny centr.
Pavodle viernikaŭ, za tyja 2,5 hady, pakul chram stajaŭ zakrytym, niekatoryja pamiaškańni nasamreč stali patrabavać ramontu — tudy dabrałasia vilhać, bo niekalki razoŭ praryvała vodapravod, a ŭletku pamiaškańni nichto nie pravietryvaŭ i nie adkačvaŭ vadu z padvała paśla daždžoŭ.
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami77
Kamientary