ZŠA ŭchvalili prodaž Ukrainie 3350 dalokastrelnych rakiet ERAM (Extended Range Attack Munition), jakija mohuć bić na adlehłaść ad 250 da 450 kiłamietraŭ. Heta značyć, jany patencyjna mohuć trapić navat u rajon haradoŭ Kałuha, Tuła i Lipieck. Ukrainskaja armija moža atrymać ich užo ŭ najbližejšyja miesiacy, a apłaciać zakupku jeŭrapiejskija krainy, piša Reuters.
ERAM — heta avijacyjnaja kryłataja rakieta kłasa «pavietra—pavierchnia», pryznačanaja dla paražeńnia naziemnych i marskich celaŭ. Jaje radyus dziejańnia składaje ad 240 da 450 km, a modulnaja kanstrukcyja dazvalaje adaptavać zbroju pad roznyja zadačy.
Košt kupli składaje 825 miljonaŭ dalaraŭ i budzie pakryty za košt finansavańnia z Danii, Narviehii i Niderłandaŭ. Raniej hetyja krainy razam z Hiermanijaj vydzielili 1,5 miljarda dalaraŭ na nabyćcio amierykanskaj zbroi dla Ukrainy. Dadatkovaje finansavańnie moža adbyvacca praz prahramu finansavańnia zamiežnych vajennych apieracyj ZŠA.
Choć administracyja Donalda Trampa raniej dazvalała pastaŭki zbroi, jakaja ŭžo była ŭ rasparadžeńni Ukrainy, heta, jak miarkujecca, budzie pieršy vialiki prodaž novaha ŭzbrajeńnia.
Pavodle słoŭ krynic, rakiety mohuć pastupić Ukrainie jašče ŭ hetym hodzie, mahčyma, navat praz paŭtara miesiaca.
Pakul što ZŠA, praŭda, nie dazvalajuć Ukrainie vykarystoŭvać hetyja rakiety dla ŭdaraŭ na terytoryi Rasii, i pakul nieviadoma, ci buduć jakija-niebudź abmiežavańni adnosna ERAM. Ale niadaŭna Donald Tramp krytykavaŭ raniejšuju administracyju Džo Bajdena za toje, što Ukrainie nibyta nie dazvalajuć adkazvać na rakietnyja ŭdary ahresara. Jon adznačyŭ, što biez mahčymaści adkazvać ciažka pieramahčy ŭ vajnie, i dadaŭ, što napieradzie «cikavyja časy».
Zialenski: Ukraina maje ŭłasnuju zbroju dla dalokich udaraŭ pa Rasii biez uzhadnieńnia z ZŠA
Tramp: Vajna Rasii i Ukrainy — asabisty kanflikt, a Pucin nie sustrakajecca ź Zialenskim, bo jaho nie lubić
Pałkoŭnik z Vajskovaj akademii ličyć, što biełaruskaje vojska daśpieła da kaśmičnaj hrupoŭki
Što viadoma pra kryłatuju rakietu «Fłaminha». Ci dastanie jana da Maskvy i vytvorčaściaŭ šachiedaŭ?
Ciapier čytajuć
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś9
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia77
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1313
Kamientary
Jak možna vieści vajnu, kali nie bić u adkaz?
- Prijedut čieriez 3 tyžni (pieriemoha)
- Prijedut zavtra (pieriemoha)
- Postavka otmieniajetsia, Tramp nas priedał (zrada!)
- Tramp by postavił, no jevropiejcy nas priedali (zrada!)
- Vony vže v vojsku (pieriemoha)
- Ničieho niet ni v kakom vojskie, vsie nieprailno pierievieli (zrada!)
...