Piaty NPZ u Rasii spyniŭ pierapracoŭku nafty paśla ataki bieśpiłotnikaŭ
Kujbyšaŭski NPZ «Rasnafty» spyniŭ pierapracoŭku nafty 28 žniŭnia paśla ataki bieśpiłotnikaŭ. Na zavodzie z mahutnaściu pierapracoŭki 7 miljonaŭ ton u hod byli paškodžanyja dźvie ŭstanoŭki pieršasnaj pierapracoŭki nafty, a taksama niekatoryja druhasnyja vytvorčyja pracesy, paviedamlaje Reuters sa spasyłkaj na dźvie krynicy ŭ halinie.
Hety NPZ uvachodzić u samarskuju hrupu «Rasnafty» i letaś vyrabiŭ 800 tysiač ton bienzinu i 1,3 miljona ton dyziela.
Kujbyšaŭski zavod staŭ piatym bujnym NPZ, jaki spyniŭ vytvorčaść u žniŭni z-za atak dronaŭ. Raniej 2 žniŭnia ataki zakranuli Novakujbyšaŭski NPZ, 10 žniŭnia — Sarataŭski, 15 žniŭnia — Vałhahradski NPZ «Łukojła» i Syzranski zavod.
Taksama 2 žniŭnia spynilisia kala pałovy mahutnaściaŭ Razanskaha NPZ, a Novašachcinski NPZ u Rastoŭskaj vobłaści hareŭ 5 dzion paśla ataki.
Pa padlikach Reuters, ataki dronaŭ pryviali da vyviadzieńnia z ładu 17% mahutnaściaŭ pa pierapracoŭcy nafty ŭ Rasii, a ŭ žniŭni prosta stajali mahutnaści pa pierapracoŭcy 6,4 miljona ton, ci 23% mahutnaściaŭ — heta histaryčny rekord.
U toj ža čas vytvorčaść paliva źmienšyłasia tolki na 5%, bo prablemy paškodžanych zavodaŭ byli častkova kampiensavanyja za košt pavieličeńnia zahruzki inšych NPZ.
Drony razbambili NPZ u Samary i Krasnadarskim krai. A rasijskaja rakieta ŭščent raźniesła piacipaviarchovik u Kijevie
Ukrainskija ataki pa rasijskich NPZ vyvieli z ładu kala 17% mahutnaściaŭ
Ukrainskaja raźviedka: Biełaruś nie choča pakryvać rasijski paliŭny deficyt
U Vienhryi rascanili ŭśmiešlivy adkaz Zialenskaha adnosna naftapravoda «Družba» jak pahrozy Budapieštu
Ciapier čytajuć
Druhi vajskoviec, jaki zahinuŭ pry avaryi MAZa pad Asipovičami — 21‑hadovy tenisist ź Viciebska3
Kamientary